മലയാളികള്‍ മനസുവെച്ചാല്‍! റിപ്പബ്ലിക് ചാനലിന്റെ ഫേസ്ബുക്ക് പേജില്‍ റേറ്റിംഗ് കുപ്പുകുത്തി

ന്യൂഡല്‍ഹി: (www.kasargodvartha.com 13.08.2017) കേരളത്തിനെതിരെ പ്രചരണവുമായി വന്ന റിപ്പബ്ലിക് ചാനലിന്റെ ഫേസ്ബുക്ക് റേറ്റിംഗ് കുപ്പുകുത്തി. 4.8 സ്റ്റാറിലുണ്ടായിരുന്ന ചാനലിന്റെ റേറ്റിംഗ് ഇപ്പോള്‍ 1.6 സ്റ്റാറായി കുറഞ്ഞു. പിടിച്ചുനിര്‍ത്താനായി ചാനല്‍ അധികൃതര്‍ വ്യാജ റേറ്റിംഗ് സംവിധാനം ഒരുക്കിയെങ്കിലും ഫേസ്ബുക്ക് ഇത് കണ്ടെത്തുകയും നീക്കം ചെയ്യുകയുമായിരുന്നു.

മലയാളികളില്‍ രോഷമുണ്ടാക്കുന്ന വാര്‍ത്തകള്‍ നല്‍കിയ ചാനലിനെതിരെ മലയാളികള്‍ ഒന്നടങ്കം ഒരു റേറ്റിംഗ് നല്‍കുകയാണ് ചെയ്യുന്നത്. നിരവധി കമന്റുകളും മലയാളികള്‍ പോസ്റ്റ് ചെയ്യുന്നുണ്ട്. 1.65 ലക്ഷം ആള്‍ക്കാരാണ് വണ്‍സ്റ്റാര്‍ റേറ്റിംഗ് നല്‍കിയത്. റേറ്റിംഗ് കുപ്പുകുത്താന്‍ തുടങ്ങുമ്പോള്‍ തന്നെ ചാനല്‍ അധികൃതര്‍ റേറ്റിംഗ് സംവിധാനം എടുത്തുകളഞ്ഞിരുന്നു. ഇതിനെതിരെ ട്രോളുമായി ദേശീയനേതാക്കള്‍ തന്നെ രംഗത്തെത്തുകയും പിന്നീട് റേറ്റിംഗ് സംവിധാനം പുന:സ്ഥാപിക്കുകയുമായിരുന്നു. റിപ്പബ്ലിക്കിന്റെ റേറ്റിംഗ് എത്രയെന്ന് നാഷന്‍ വാണ്ട്‌സ് ടു നോ എന്ന് ശശി തരൂരും ട്വീറ്റ് ചെയ്തിരുന്നു.