city-gold-ad-for-blogger
Aster MIMS 10/10/2023

Study | ഈ അപകടകരമായ രോഗം ശരീരത്തില്‍ രഹസ്യമായി വളരുന്നു; രോഗലക്ഷണങ്ങള്‍ കാണിക്കാതെ 10 വര്‍ഷത്തിലേറെ നീണ്ടുനില്‍ക്കുമെന്ന് പഠനം

ന്യൂഡെല്‍ഹി: (www.kasargodvartha.com) അപകടകരമായ പാര്‍ക്കിന്‍സണ്‍സ് രോഗത്തെക്കുറിച്ചുള്ള ഒരു ഗവേഷണത്തില്‍, ഈ രോഗം അതിന്റെ ലക്ഷണങ്ങള്‍ കാണിക്കുന്നതിന് മുമ്പ് ഏകദേശം 10 വര്‍ഷത്തോളം ശരീരത്തില്‍ രഹസ്യമായി വളരുന്നതായി വിദഗ്ധരുടെ കണ്ടെത്തല്‍. രോഗം തലച്ചോറിലെ ഡോപാമിനേര്‍ജിക് ന്യൂറോണുകളെ ബാധിക്കുന്നതായി നേച്ചര്‍ കമ്മ്യൂണിക്കേഷന്‍സ് ജേണലില്‍ പ്രസിദ്ധീകരിച്ച ഗവേഷണത്തില്‍ പറയുന്നു. ഇതുമൂലം ശരീരത്തിന്റെ മേലുള്ള നിയന്ത്രണം അവസാനിക്കുകയും വിവിധ പ്രശ്‌നങ്ങള്‍ പ്രത്യക്ഷപ്പെടാന്‍ തുടങ്ങുകയും ചെയ്യുന്നു.
          
Study | ഈ അപകടകരമായ രോഗം ശരീരത്തില്‍ രഹസ്യമായി വളരുന്നു; രോഗലക്ഷണങ്ങള്‍ കാണിക്കാതെ 10 വര്‍ഷത്തിലേറെ നീണ്ടുനില്‍ക്കുമെന്ന് പഠനം

രോഗത്തെ കുറിച്ച് കൂടുതലറിയാന്‍, യൂണിവേഴ്‌സിറ്റി ഡി മോണ്‍ട്രിയലിലെ ന്യൂറോ സയന്റിസ്റ്റ് ലൂയിസ്-എറിക് ട്രൂഡോയുടെ നേതൃത്വത്തിലാണ് സംഘം പഠനം നടത്തിയത്. ഇതിനായി എലികളില്‍ പാര്‍ക്കിന്‍സണ്‍സ് രോഗത്തിന്റെ സ്വാധീനം കണ്ടെത്താന്‍ നിരവധി പരീക്ഷണങ്ങള്‍ നടത്തി. ഗവേഷണത്തില്‍ എലികളുടെ തലച്ചോറിലെ ഡോപാമിന്‍ രാസവസ്തുവിന്റെ പ്രവര്‍ത്തനം കുറവാണെന്നും ഇത് തലച്ചോറിനെ പൂര്‍ണമായും തകരാറിലാക്കുന്നതായും സംഘം കണ്ടെത്തി.

തലച്ചോറിനെ സജീവമായി നിലനിര്‍ത്തുന്നതില്‍ പ്രധാന പങ്ക് വഹിക്കുന്ന രാസ സന്ദേശവാഹകനാണ് ഡോപാമൈന്‍. പാര്‍ക്കിന്‍സണ്‍സ് രോഗത്തില്‍, തലച്ചോറിലെ ഡോപാമൈന്‍ അളവ് ക്രമാനുഗതമായി കുറയുന്നു. ഗവേഷണം പാര്‍ക്കിന്‍സണ്‍സിന്റെ ലക്ഷണമില്ലാത്ത കാലഘട്ടത്തില്‍ തലച്ചോറിന്റെ അത്ഭുതകരമായ പ്രതിരോധശേഷിയെക്കുറിച്ച് പുതിയ വെളിച്ചം വീശുന്നു.

പാര്‍ക്കിന്‍സണ്‍സ് രോഗത്തിന്റെ പ്രാരംഭ ഘട്ടത്തില്‍, തലച്ചോറിലെ ഡോപാമൈന്‍ അളവ് വര്‍ഷങ്ങളോളം ഉയര്‍ന്ന നിലയില്‍ തുടരുന്നതായും ഒരു നിശ്ചിത സമയം കഴിഞ്ഞാല്‍ മാത്രമേ അസ്വസ്ഥതകള്‍ പ്രത്യക്ഷപ്പെടുകയുള്ളൂവെന്നും ഗവേഷകര്‍ പറയുന്നു. പുതിയ പഠനം ഭേദമാക്കാനാവാത്ത പാര്‍ക്കിന്‍സണ്‍സ് രോഗത്തിന്റെ ചികിത്സയില്‍ വിപ്ലവകരമായ മാറ്റങ്ങള്‍ കൊണ്ടുവരുമെന്നാണ് പ്രതീക്ഷിക്കുന്നത്.

Keywords: Parkinson, Disease, Malayalam News, Health News, Lifestyle, Parkinson's disease can quietly progress undetected for years: Study.
< !- START disable copy paste -->

Tags

Share this story

google news
Aster mims 04/11/2022

Local News
Kasargodvartha android application
UNITED MEDICAL CENTER 01/02/2022
MIO-Hospital 01/02/2023
ARAMANA 01/06/2020
SWISS-TOWER 24/07/2023
wellfitindia
INDIANA_HOSPITAL_BEKAL