വഴി തെറ്റി അതിര്‍ത്തി കടന്നെത്തിയ പാക് ബാലനെ മധുരവും പുതുവസ്ത്രവും നല്‍കി തിരിച്ചയച്ച് ഇന്ത്യന്‍ സൈന്യം

By Webdesk ViJun 28, 2018, 22:13 IST

ജമ്മു:(www.kasargodvartha.com 28/06/2018) വഴി തെറ്റി അതിര്‍ത്തി കടന്നെത്തിയ പാക് ബാലനെ മധുരവും പുതുവസ്ത്രവും നല്‍കി തിരിച്ചയച്ച് ഇന്ത്യന്‍ സൈന്യം. ഇന്തോ -പാക് അതിര്‍ത്തിയിലെ സംഘര്‍ഷത്തിന് അയവ് വന്നിട്ടില്ലാത്ത സാഹചര്യത്തിലാണ് ഈ സന്തോഷ വാര്‍ത്ത. അറിയാതെ അതിര്‍ത്തി കടന്ന് ഇന്ത്യയിലെത്തിയ പാകിസ്താന്‍ ബാലന് മധുരവും പുതുവസ്ത്രങ്ങളും നല്‍കിയാണ് ഇന്ത്യന്‍ സൈന്യം തിരിച്ചയച്ചത്.

ജമ്മു കശ്മീരിലെ പൂഞ്ച് ജില്ലയിലെ അതിര്‍ത്തിയില്‍ മുഹമ്മദ് അബ്ദുള്ള എന്ന 11 കാരന്‍ ജൂണ്‍ 24-ന് എത്തിപ്പെടുകയായിരുന്നു. മുഹമ്മദ് അബ്ദുള്ളയെ സൈനിക ഉദ്യോഗസ്ഥര്‍ അന്ന് തന്നെ ജമ്മു കശ്മീര്‍ പോലീസിന് കൈമാറി. പിന്നീട് നടപടിക്രമങ്ങള്‍ക്ക് ശേഷം വ്യാഴാഴ്ച്ച കുട്ടിയെ പാക് അധികൃതര്‍ക്ക് കൈമാറി.