ഭീകരവാദത്തിനെതിരെ ഇന്ത്യയുടെ പോരാട്ടം തുടരും; പഹൽഗാം ആക്രമണത്തിന് തക്ക മറുപടി നൽകും: രാജ്‌നാഥ് സിംഗ്

ന്യൂഡല്‍ഹി: (KasargodVartha) ജമ്മു കശ്മീരിലെ പഹല്‍ഗാമില്‍ നടന്ന ഭീകരാക്രമണത്തിന് പിന്നിലുള്ളവരെ ശക്തമായി നേരിടുമെന്ന് പ്രതിരോധ മന്ത്രി രാജ്‌നാഥ് സിംഗ് ഉറപ്പ് നല്‍കി. ഒരു പ്രത്യേക മതവിഭാഗത്തെ ലക്ഷ്യമിട്ടാണ് ആക്രമണം നടത്തിയതെന്നും അദ്ദേഹം ആരോപിച്ചു. സൈനിക മേധാവികളുമായി നടത്തിയ ഉന്നതതല ചര്‍ച്ചകള്‍ക്ക് ശേഷം ഡല്‍ഹിയില്‍ നടന്ന പൊതുപരിപാടിയില്‍ സംസാരിക്കുകയായിരുന്നു അദ്ദേഹം. 26 പേര്‍ കൊല്ലപ്പെട്ട പഹല്‍ഗാം ആക്രമണത്തിന് ശേഷമുള്ള പ്രതിരോധ മന്ത്രിയുടെ ആദ്യ പ്രതികരണമാണിത്.

'ഇന്നലെ പഹല്‍ഗാമില്‍ ഒരു പ്രത്യേക മതവിഭാഗത്തെ ലക്ഷ്യമിട്ട് ഭീകരര്‍ നടത്തിയ ഹീനമായ ആക്രമണത്തില്‍ നിരവധി നിരപരാധികളുടെ ജീവന്‍ നഷ്ടപ്പെട്ടു. ആവശ്യമായ എല്ലാ നടപടികളും സര്‍ക്കാര്‍ സ്വീകരിക്കുമെന്ന് രാജ്യത്തെ ജനങ്ങള്‍ക്ക് ഉറപ്പ് നല്‍കുന്നു. ഈ ആക്രമണം നടത്തിയവരെ മാത്രമല്ല, ഇതിന് പിന്നില്‍ പ്രവര്‍ത്തിച്ചവരെയും കണ്ടെത്തും. കുറ്റവാളികള്‍ ശക്തമായ തിരിച്ചടി നേരിടേണ്ടിവരുമെന്ന് ഞാന്‍ രാജ്യത്തിന് ഉറപ്പ് നല്‍കുന്നു,' രാജ്‌നാഥ് സിംഗ് പറഞ്ഞു.

പ്രിയപ്പെട്ടവരെ നഷ്ടപ്പെട്ട കുടുംബങ്ങളുടെ ദുഃഖത്തില്‍ പങ്കുചേരുന്നു. തീവ്രവാദത്തിനെതിരെയുള്ള ഇന്ത്യയുടെ ശക്തമായ നിലപാട് ആവര്‍ത്തിക്കുന്നു. തീവ്രവാദത്തോട് വിട്ടുവീഴ്ചയില്ലാത്ത സമീപനമാണ് നമുക്കുള്ളത്. ഒരു തീവ്രവാദ പ്രവര്‍ത്തനത്തിനും ഇന്ത്യയെപ്പോലുള്ള ഒരു രാജ്യത്തെ തകര്‍ക്കാന്‍ കഴിയില്ലെന്നും രാജ്‌നാഥ് സിംഗ് കൂട്ടിച്ചേര്‍ത്തു.

ഈ വാർത്ത ഷെയർ ചെയ്യുക, നിങ്ങളുടെ അഭിപ്രായങ്ങൾ രേഖപ്പെടുത്തുക!

Defence Minister assures strong retaliation for the Pahalgam terror attack targeting a specific religious group, stating culprits will be found and punished.

#PahalgamAttack, #Terrorism, #RajnathSingh, #IndiaFightsTerror, #JammuKashmir, #Retaliation