സുഹൃത്തുക്കള്‍ സഞ്ചരിച്ച കാര്‍ അപകടത്തില്‍ പെട്ടു; ഒരാള്‍ മരിച്ചു

മംഗലാപുരം: ബെല്‍ത്തങ്ങാടിയില്‍ സുഹൃത്തുക്കള്‍ സഞ്ചരിച്ച കാറും ബസും കൂട്ടിയിടിച്ചുണ്ടായ വാഹനാപകടത്തില്‍ ഒരാള്‍ മരിച്ചു. മൂന്ന് പേര്‍ക്ക് പരിക്കേറ്റു. ബാംഗ്ലൂരിലെ രാമചന്ദ്രയുടെ മകന്‍ നിത്യാനന്ദ (30) ആണ് മരിച്ചത്.

പരിക്കേറ്റ പ്രജ്‌വാള്‍ (23), ഹര്‍ഷിത (21), ആദിത്യ (25) എന്നിവരെ അടുത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചു. അപകടത്തില്‍ പെട്ടവരെല്ലാവരും ബാംഗ്ലൂര്‍ രാജാജി നഗര്‍ സ്വദേശികളാണ്.ഞായറാഴ്ച രാവിലെയായിരുന്നു അപകടം. ബാംഗ്ലൂരില്‍ നിന്ന് ധര്‍മസ്ഥയിലേക്ക് പോവുകയായിരുന്ന സംഘം സഞ്ചരിച്ച കാറാണ് അപകടത്തില്‍ പെട്ടത്.


നിത്യാനന്ദയെ ഉടന്‍ അടുത്തുള്ള ഗവ. ആശുപത്രിയില്‍ പ്രവേശിപ്പിച്ചെങ്കിലും മരിച്ചിരുന്നു. ബാംഗ്ലൂരില്‍ വ്യാപാര സ്ഥാപനം നടത്തുന്നയാളാണ് നിത്യാനന്ദ. ബാഗ്ലൂരില്‍ നിന്ന് ദര്‍മസ്ഥയിലേക്ക് പോവുകയായിരുന്ന നാല്‍വര്‍ സംഘം വഴിതെറ്റിയാണ് ഉപ്പിനങ്ങാടി ഭാഗത്തേക്കെത്തിയത്. അവിടെ നിന്നും മറ്റൊരു വഴിയിലേക്ക് സഞ്ചരിച്ച സംഘത്തിന്റെ കാര്‍ ബസുമായി കൂട്ടിയിടിക്കുകയായിരുന്നു. ബല്‍ത്തങ്ങാടി പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്.
Keywords : Mangalore, Car, Accident, National, Killed, Hospital, Three injured, Bangalore, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.

Advertisement: