തിരക്കേറിയ റോഡിൽ മദ്യപിച്ച് ലക്കുകെട്ട് ഡ്രൈവറും കണ്ടക്ടറും; 37 യാത്രക്കാരുമായി പോയ ബസ് അപകടത്തിൽ നിന്ന് രക്ഷപ്പെട്ടത് തലനാരിഴയ്ക്ക്, സസ്‌പെൻഷൻ

നാഗ്പൂർ: (KasargodVartha) ജോലി സമയത്ത് മദ്യപിച്ച് ലക്കുകെട്ട നിലയിൽ ബസ് ഓടിച്ച് 37 യാത്രക്കാരുടെ ജീവൻ അപകടത്തിലാക്കി  മഹാരാഷ്ട്ര സംസ്ഥാന സർക്കാർ ബസിലെ ഡ്രൈവറും കണ്ടക്ടറും. സംഭവം ശനിയാഴ്ചയാണ് നടന്നത്. നാഗ്പൂരിൽ നിന്ന് ബീഡ് ജില്ലയിലെ പാന്ദർപൂരിൽ നിന്ന് അക്കോട്ടിലേക്ക് പോവുകയായിരുന്ന എം.എസ്.ആർ.ടി.സി. ബസിലാണ് യാത്രക്കാർക്ക് ദുരനുഭവമുണ്ടായത്. ബസ് അക്കോട്ട് ഡിപ്പോയുടേതായിരുന്നു.

തിരക്കേറിയ റോഡിൽ ബസ് പോകുന്ന രീതിയിൽ സംശയം തോന്നിയ യാത്രക്കാർ കണ്ടക്ടറുടെ സഹായം തേടി. എന്നാൽ, സീറ്റിൽ നിന്ന് എഴുന്നേൽക്കാൻ പോലും കഴിയാതിരുന്ന കണ്ടക്ടർ ആളുകൾ ബഹളം വെച്ചതിന് പിന്നാലെ സീറ്റിൽ നിന്ന് ബസിന്റെ തറയിലേക്ക് വീണ് ഉറങ്ങാൻ തുടങ്ങി. റോഡിലെ ഡിവൈഡറുകളിൽ തട്ടിമുട്ടി പോയ ബസ് പലതവണ മറ്റ് വാഹനങ്ങളിലെ ഡ്രൈവർമാരുടെ ശ്രദ്ധ കാരണമാണ് വലിയ അപകടത്തിൽ നിന്ന് രക്ഷപ്പെട്ടത്. ഇതോടെ യാത്രക്കാർ ബസ് നിർത്തിച്ച ശേഷം പോലീസിനെ വിളിക്കുകയായിരുന്നു.

പോലീസ് എത്തി പരിശോധിച്ചപ്പോഴാണ് ഡ്രൈവറായിരുന്ന സന്തോഷ് റാഹത്ത്, കണ്ടക്ടറായ സന്തോഷ് ജാൽതേ എന്നിവർ മദ്യപിച്ചിരുന്നതായി വ്യക്തമായത്. തുടർന്ന് പോലീസ് കണ്ടക്ടറെയും ഡ്രൈവറെയും കസ്റ്റഡിയിലെടുത്തു. മദ്യപിച്ച് ലക്കുകെട്ട അവസ്ഥയിലാണെന്ന് പരിശോധനാ ഫലം വന്നതോടെ ഇരുവരെയും സസ്‌പെൻഡ് ചെയ്തു. ആഭ്യന്തര അന്വേഷണത്തിന് ശേഷം ഇരുവരെയും സർവ്വീസിൽ നിന്ന് പുറത്താക്കുമെന്ന് അധികൃതർ മാധ്യമങ്ങളോട് അറിയിച്ചു.
 

ജോലി സമയത്ത് മദ്യപിച്ച് വാഹനമോടിക്കുന്നവരെക്കുറിച്ച് നിങ്ങളുടെ അഭിപ്രായം എന്താണ്? കമന്റ് ചെയ്യുക.

Article Summary: Drunken driver/conductor endanger 37 bus passengers in Maharashtra.

#DrunkDriving #MaharashtraBus #PublicSafety #RoadSafety #Suspension #Arrested