സ്‌കൂട്ടറില്‍ സഞ്ചരിക്കുകയായിരുന്ന കുടുംബത്തിനു നേരെ പുലിയുടെ ആക്രമണം; 4 മാസം പ്രായമുള്ള കുഞ്ഞിനെ കടിച്ചുകൊണ്ടുപോയി

By Web Desk - MainJul 30, 2018, 11:41 IST

വഡോദര (ഗുജറാത്ത്): (www.kasargodvartha.com 30.07.2018) സ്‌കൂട്ടറില്‍ സഞ്ചരിക്കുകയായിരുന്ന കുടുംബത്തിനു നേരെ പുലിയുടെ ആക്രമണം. നാലു മാസം പ്രായമുള്ള കുഞ്ഞിനെ പുലി കടിച്ചുകൊണ്ടുപോയി. ഗുജറാത്തിലെ ഛോട്ടാ ഉദയ്പൂര്‍ ജില്ലയിലാണ് സംഭവം. കുഞ്ഞിനെ നാട്ടുകാര്‍ പുലിയില്‍ നിന്നും രക്ഷപ്പെടുത്തി ആശുപത്രിയില്‍ പ്രവേശിപ്പിച്ചു.

വിക്ര രത്വ- സപ്‌ന ദമ്പതികള്‍ക്കും കുഞ്ഞിനും നേരെയാണ് പുലിയുടെ ആക്രമണമുണ്ടായത്. കുഞ്ഞിന്റെ കാലിലും പുറത്തും സാരമായ പരിക്കേറ്റിട്ടുണ്ട്. വഡോദരയിലെ ആശുപത്രിയിലാണ് കുഞ്ഞിനെ പ്രവേശിപ്പിച്ചത്.