Cervical Cancer | സ്ത്രീകളിലെ ഗര്ഭാശയഗള അര്ബുദത്തെ പ്രതിരോധിക്കാന് തദ്ദേശീയ വാക്സിന് വികസിപ്പിച്ച് ഇന്ഡ്യ
Sep 1, 2022, 15:00 IST
ന്യൂഡെല്ഹി: (www.kvartha.com) സ്ത്രീകളിലെ ഗര്ഭാശയഗള അര്ബുദത്തെ പ്രതിരോധിക്കാന് തദ്ദേശീയ വാക്സിന് വികസിപ്പിച്ച് ഇന്ഡ്യ. 'ക്വാഡ്രിലന്ഡ് ഹ്യൂമന് പാപിലോമ വൈറസ് വാക്സിന്-സെര്വാവാക്' (QHPV) ആണ് വികസിപ്പിച്ചത്. ക്യൂ എച് പി വി യില് വൈറസിന്റെ ഡി എന് എ യോ ജീവനുള്ള ഘടകങ്ങളോ ഇല്ലാത്തതിനാല് പാര്ശ്വഫലങ്ങളുമുണ്ടാകില്ലെന്ന് സിറംഇന്സ്റ്റിറ്റിയൂട് വൃത്തങ്ങള് പറഞ്ഞു.
സിറം ഇന്സ്റ്റിറ്റിയൂടും ബയോടെക്നോളജി വകുപ്പും ചേര്ന്ന് വികസിപ്പിച്ച വാക്സിന് ശാസ്ത്ര-സാങ്കേതിക സഹമന്ത്രി ഡോ. ജിതേന്ദ് സിങ് ബുധനാഴ്ച പുറത്തിറക്കും. 90 ശതമാനം ഫലപ്രാപ്തി അവകാശപ്പെടുന്ന വാക്സിന് ഒമ്പതുമുതല് പതിന്നാലുവരെ വയസുള്ള പെണ്കുട്ടികളിലാണ് കുത്തിവെക്കുക.
ആദ്യ ഡോസ് ഒമ്പതാം വയസിലും അടുത്ത ഡോസ് 6-12 മാസത്തിനിടയിലുമാണ് കുത്തിവെക്കേണ്ടത്. പതിനഞ്ചുവയസിനു മുകളിലുള്ളവരാണെങ്കില് മൂന്ന് ഡോസ് വാക്സിന് സ്വീകരിക്കണം.
Keywords: India Launches Vaccine Against Cervical Cancer, New Delhi, News, Technology, Health, Health and Fitness, National, Girl.
