ഹോം സ്‌റ്റേ അക്രമണം: പീഡനത്തിനിരയായ പെണ്‍കുട്ടികള്‍ പരാതി നല്‍കണം
Aug 6, 2012, 12:42 IST
സെമിനാറില്‍ മുഖ്യപ്രഭാഷണം നടത്തിയ അഭിഭാഷകയും ആക്ടിവിസ്റ്റുമായ ആശാനായക്കാണ് ഈ ആവശ്യം ഉന്നയിച്ചത്. പോലീസ് പരാതി സ്വീകരിച്ചില്ലെങ്കില്‍ ഇന്ത്യന്‍ ശിക്ഷാ നിയമം 384ാം വകുപ്പ് പ്രകാരം കോടതിയില്‍ കേസ് ഫയല്‍ചെയ്യാമെന്നും അവര്‍ പറഞ്ഞു. ഇത്തരം സന്ദര്‍ഭങ്ങളില്‍ ഇരകള്‍ നല്‍കുന്ന പരാതികള്‍ സ്വീകരിക്കാന്‍ പോലിസുകാര്‍ തയ്യാറാകാറില്ലെന്നും പോലീസ് എന്നും പീഡകര്‍ക്കൊപ്പമാണെന്നും മുന്‍ അനുഭവങ്ങള്‍ നിരത്തി ആശാനായക്ക് പറഞ്ഞു.
ഹോം സ്‌റ്റേ അക്രമിച്ച ഗുണ്ടകള്‍ രാഷ്ട്രീയ പിന്‍ബലമുള്ളവരാണെന്ന് നിട്ടെ സര്‍വകലാശാല ചാന്‍സലര്‍ ഡോ. എന്‍. വിനയ് ഹെഗ്‌ഡെ പറഞ്ഞു. സംഭവിച്ചത്‌ റൗഡിയിസമാണ്. പടീല്‍ സംഭവം ഒരു മുന്നറിയിപ്പായി കണക്കാക്കണം. ഇല്ലെങ്കില്‍ തങ്ങളുടെ കുട്ടികള്‍ക്കും ഭാവിയില്‍ ഇത്തരം ദുരന്തങ്ങള്‍ നേരിടേണ്ടിവരും. അദ്ദേഹം പറഞ്ഞു.
കനറ ചേമ്പര്‍ ഓഫ് കൊമേഴ്‌സ് മുന്‍ പ്രസിഡന്റ് ലത. ആര്‍. കിണി, യൂണിറ്റി ഹെല്‍ത്ത് കോംപ്ലക്‌സ് ചെയര്‍മാന്‍ ഡോ. സി.പി. ഹബീബ് റഹ്മാന്‍, നരന്‍ കൊടുവട്ടാട്ട്, ഇന്ത്യന്‍ എക്‌സപോര്‍ട്ട് ഓര്‍ഗനൈസേഷന്‍ ചെയര്‍മാന്‍ വാള്‍ട്ടര്‍ ഡിസൂസ, കസ്തൂര്‍ബ മെഡിക്കല്‍ കോളേജ് വിദ്യാര്‍ത്ഥിനി മേധാ, വില്യം പയസ്, വിജയ് വിട്ടല്‍നാഥ് ഷെട്ടി എന്നിവര്‍ പ്രസംഗിച്ചു. ഹോം സ്‌റ്റേ അക്രമണത്തിനെതിരെ കര്‍ണാടക മുഖ്യമന്ത്രിക്കും, ഗവര്‍ണര്‍ക്കും ഭീമ ഹര്‍ജി നല്‍കാനും യോഗം തീരുമാനിച്ചു.
Keywords: Mangalore, National, Case, Morning Mist Home Stay, Attack, Complaint, Arise Mangalore
Tags
Share this story
