ഹൈദരാബാദില്‍ കനത്ത മഴ; മതില്‍ ഇടിഞ്ഞുവീണ് കുട്ടിയടക്കം 2 പേരും ഷോക്കേറ്റ് ഒരാളും മരിച്ചു

By Web Desk SNOct 3, 2017, 10:56 IST

ഹൈദരാബാദ്: (www.kasargodvartha.com 03/10/2017) ഹൈദരാബാദിലുണ്ടായ കനത്ത മഴയില്‍ മതില്‍ ഇടിഞ്ഞുവീണ് കുട്ടിയടക്കം രണ്ടു പേരും ഷോക്കേറ്റ് ഒരാളും മരിച്ചു. കനത്ത മഴയില്‍ ഗതാഗതം താറുമാറായി. വ്യാപക നാശനഷ്ടമാണ് റിപ്പോര്‍ട്ട് ചെയ്തിട്ടുള്ളത്. താഴ്ന്ന പ്രദേശങ്ങളെല്ലാം വെള്ളത്തിനടിയിലാണ്. ഇവിടുന്ന് ജനങ്ങളെ മാറ്റിപ്പാര്‍പ്പിച്ചതായി ബന്ധപ്പെട്ടവര്‍ അറിയിച്ചു.

കനത്ത മഴയെ തുടര്‍ന്ന് ജനങ്ങള്‍ ജാഗ്രത പാലിക്കണമെന്ന് ഭരണകൂടം മുന്നറിയിപ്പ് നല്‍കിയിട്ടുണ്ട്.