Kiwi | പതിവായി കിവി കഴിക്കാം; അറിയാം ആരോഗ്യ ഗുണങ്ങൾ

ധാരാളം നാരുകളും ആന്റിഓക്സിഡന്റുകളും കിവിയിൽ അടങ്ങിയിട്ടുണ്ട്. ശരീത്തിന് ആവശ്യമായ പൊട്ടാസ്യവും ധാരാളമുണ്ട്. ശരീരത്തിലെ കൊളസ്‌ട്രോൾ നിയന്ത്രിതമാക്കാൻ കിവി സഹായിക്കും. ഹൃദയ ആരോഗ്യം മെച്ചപ്പെടുത്താനും ഹൃദ്രോഗ സാധ്യത കുറയ്ക്കാനും ഗുണം ചെയ്യും. വിറ്റാമിൻ സി യുടെ സ്രോതസാണ് കിവി. അണുബാധകളെ ചെറുക്കാൻ ഈ പഴം സഹായിക്കും. രോഗ പ്രതിരോധ ശേഷി വർധിപ്പിക്കാനും ഗുണകരമാണ്. നാരുകളും ധാരാളം ഉള്ളതിനാൽ ദഹന പ്രക്രിയ എളുപ്പമാക്കാനും മലബന്ധം പോലെയുള്ള പ്രശ്നങ്ങൾക്കും അത്യുത്തമാണ്.

ചർമ സംരക്ഷണത്തിനും നല്ലതാണ്. ഇതിലെ വിറ്റാമിൻ സിയും ആന്റിഓക്സിഡന്റുകളും ചർമത്തിന്റെ ആരോഗ്യത്തിന് സഹായിക്കും. വാർധക്യം, മലിനീകരണം പോലെയുള്ള അവസ്ഥയിൽ നിന്ന് ചർമ്മത്തിന് ഉണ്ടാകുന്ന വ്യതിയാനങ്ങളെ ഇല്ലാതാക്കാനും കിവി ഗുണകരമാണ്. വിറ്റാമിൻ സി, വിറ്റാമിൻ എ, പോളിഫെനോൾസ് തുടങ്ങി ആന്റിഓക്സിഡന്റുകൾ ധാരാളം ഉള്ളതിനാൽ ഫ്രീ റാഡിക്കിലുകൾ നശിപ്പിക്കാനും നല്ലതാണ്. കൂടാതെ ശരീരത്തിൽ ഉണ്ടാകുന്ന വീക്കവും വേദനയും കുറയ്ക്കാനും ഇതിലെ ഇൻഫ്ളമേറ്ററി സംയുക്തങ്ങൾ സഹായകരമാകും.

രക്തത്തിലെ പഞ്ചസാരയുടെ അളവ് നിയന്ത്രിതമാക്കാനുള്ള പ്രത്യേക കഴിവും കിവിക്കുണ്ട്. ഗ്ലൈസെമിക് സൂചിക കുറഞ്ഞതിനാൽ പ്രമേഹ രോഗികൾക്കും കഴിക്കാവുന്നതാണ്. കണ്ണിന്റെ ആരോഗ്യത്തിനും കിവി നല്ലതാണ്. ഇതിൽ അടങ്ങിയിട്ടുള്ള ആന്റിഓക്സിഡന്റുകൾ തിമിരം പോലെയുള്ള കണ്ണ് രോഗങ്ങളിൽ നിന്ന് സംരക്ഷിക്കുന്നു. പ്രായമാകുന്നവരിൽ ഉണ്ടാകുന്ന നേത്രരോഗമായ മാക്യുലാർ ഡീജനറേഷനിൽ നിന്നും കണ്ണിന് കാവൽ നൽകും. വിറ്റാമിൻ കെ യുടെ ഉറവിടമായതിനാൽ ശരീരത്തിന് ആവശ്യമായ കാത്സ്യം ആഗിരണം ചെയ്യാനാവുമെന്നതും കിവിയുടെ ആരോഗ്യ ഗുണമാണ്. എല്ലുകളുടെ ആരോഗ്യത്തിനും കിവി ഫലപ്രദമായ പഴമാണ്‌.

Keywords: News, National, New Delhi, Kiwi, Health, Lifestyle, Benefits, Human Body, Cholesterol, Antioxidants, Eye diseases, Health Benefits of Kiwi.
< !- START disable copy paste -->