അടിവസ്ത്രത്തില്‍ ഒളിപ്പിച്ചു കടത്തിയ സ്വര്‍ണവുമായി രണ്ട് കാസര്‍കോട് സ്വദേശികള്‍ അറസ്റ്റില്‍

മംഗലാപുരം: ലക്ഷങ്ങളുടെ സ്വര്‍ണക്കട്ടികളുമായി രണ്ട് കാസര്‍കോട് സ്വദേശികളെ മംഗലാപുരം വിമാനത്താവളത്തില്‍ കസ്റ്റംസ് അധികൃതര്‍ അറസ്റ്റ് ചെയ്തു. ചട്ടഞ്ചാല്‍ കനിയടുക്കത്തെ അഹമ്മദ് കബീര്‍, ചെമ്മനാട് കൊമ്പനടുക്കത്തെ ഹസൈനാര്‍ എന്നിവരെയാണ് അറസ്റ്റ് ചെയ്തത്.

ദുബൈയില്‍ നിന്ന് IX814 നമ്പര്‍ എയര്‍ഇന്ത്യ എക്‌സ്പ്രസ് വിമാനത്തില്‍ വന്നിറങ്ങിയതായിരുന്നു ഇരുവരും. പരിശോധനയില്‍ അഹമ്മദ് കബീറില്‍ നിന്ന് അടിവസ്ത്രത്തില്‍ ഒളിപ്പിച്ച് വെച്ച ആറ് സ്വര്‍ണക്കട്ടികള്‍ കണ്ടെത്തുകയായിരുന്നു. 233.250 ഗ്രാം സ്വര്‍ണമാണ് ഇയാളില്‍ നിന്ന് പിടികൂടിയത്. ഇതിന് 7,23,075 രൂപ വില കണക്കാക്കുന്നു.

ഹസൈനാറില്‍ നിന്ന് 7,23,106 രൂപ വില വരുന്ന 233,260 ഗ്രാം സ്വര്‍ണമാണ് പിടികൂടിയത്. ആറ് സ്വര്‍ണക്കട്ടികളുടെ രൂപത്തിലാണ് സ്വര്‍ണം ഒളിപ്പിച്ച് കടത്താന്‍ ശ്രമിച്ചത്.

Advertisement: