അസമില്‍ വീണ്ടും വെള്ളപ്പൊക്കം

By Web Desk SNOct 2, 2017, 10:55 IST

ഗുവാഹത്തി:(www.kasargodvartha.com 02/10/2017) അസമില്‍ വീണ്ടും വെള്ളപ്പൊക്കം. അഞ്ചു ജില്ലകളിലാണ് വെള്ളപ്പൊക്കമുണ്ടായിരിക്കുന്നത്. 78,000 ആളുകളെ ബാധിച്ചതായി വിവരമുണ്ട്. 16,000 മൃഗങ്ങളും വെള്ളപ്പൊക്കത്തില്‍പെട്ടതായി അസം പ്രകൃതി ദുരന്ത നിവാരണ അതോറിറ്റി റിപോര്‍ട്ട് ചെയ്തു. 306 ഏക്കറോളം ഭൂമി വെള്ളത്തിനടിയിലായതാണ് വിവരം.

സംസ്ഥാനത്തും അയല്‍ സംസ്ഥാനങ്ങളായ അരുണാചല്‍ പ്രദേശ്, മേഘാലയ എന്നിവിടങ്ങളിലും പെയ്ത ശക്തമായ മഴയാണ് വെള്ളപ്പൊക്കത്തിനിടയാക്കിയത്. 18 ഓളം ദുരിതാശ്വാസ ക്യാമ്പുകള്‍ തുറന്നു പ്രവര്‍ത്തിക്കുന്നുണ്ട്. കഴിഞ്ഞ മാസമുണ്ടായ വെള്ളപ്പൊക്കത്തില്‍ സംസ്ഥാനത്ത് 76 ആളുകള്‍ മരണപ്പെട്ടിരുന്നു.