രണ്ടു ദിവസം മുമ്പ് ഡ്രൈവറായി ജോലിക്കു നിന്ന യുവാവ് മുതലാളിയുടെ 40 ലക്ഷം രൂപയുടെ കാറുമായി കടന്നുകളഞ്ഞു; പ്രതി അറസ്റ്റില്‍

By Web Desk - MainNov 2, 2018, 11:00 IST

പനജി: (www.kasargodvartha.com 02.11.2018) രണ്ടു ദിവസം മുമ്പ് ഡ്രൈവറായി ജോലിക്കുനിന്ന യുവാവ് മുതലാളിയുടെ 40 ലക്ഷം രൂപയുടെ കാറുമായി കടന്നുകളഞ്ഞു. പ്രതിയെ പിന്നീട് പോലീസ് അറസ്റ്റു ചെയ്തു. ആര്യന്‍ ചൗഹാനെ (33) യാണ് പനജി പോലീസ് അറസ്റ്റു ചെയ്തത്. രണ്ടുദിവസം മുമ്പ് ജോലിക്ക് കയറിയ ആര്യന്‍ മുതലാളിയുടെ ആഡംബര കാറുമായി മുങ്ങുകയായിരുന്നു.

പരാതി ലഭിച്ചതിന്റെ അടിസ്ഥാനത്തില്‍ മഹാരാഷ്ട്ര പോലീസിന്റെ സഹായത്തോടെയാണ് പ്രതിയെ പോലീസ് പൊക്കിയത്. കോടതിയില്‍ ഹാജരാക്കിയ പ്രതിയെ അഞ്ച് ദിവസത്തേക്ക് റിമാന്‍ഡ് ചെയ്തു.