സീരിയല്‍ കൊലയാളി സയനൈഡ് മോഹന്റെ മൂന്നാം ഭാര്യയെ സഹതടവുകാരന്‍ വിവാഹം കഴിച്ചു

മംഗലാപുരം: യുവതികളെ പ്രണയം നടിച്ച് കൂട്ടിക്കൊണ്ടു പോയി ലൈംഗികമായി ഉപയോഗിച്ച ശേഷം സയനൈഡ് നല്‍കി കൊലപ്പെടുത്തിയ കേസുകളില്‍ വധശിക്ഷയ്ക്കു വിധിക്കപ്പെട്ട സയനൈഡ് മോഹന്റെ മൂന്നാം ഭാര്യ സഹതടവുകാരനൊപ്പം പോയി. ദേര്‍ളക്കട്ട സ്വദേശിനിയാണ് സന്തോഷ് ഷെട്ടിഗാര്‍ എന്നയാള്‍ക്കൊപ്പം പോയത്.

കള്ളനോട്ടു കേസുകളില്‍ അറസ്റ്റിലായ ഷെട്ടിഗാര്‍ റിമാന്‍ഡില്‍ കഴിയവെ മോഹന്‍ കുമാറിന്റെ സഹതടവുകാരനായിരുന്നു. ഇക്കാലത്ത് ഷെട്ടിഗാറിന്റെ മൊബൈലിലാണ് മോഹന്‍കുമാര്‍ മൂന്നാം ഭാര്യയുമായി ബന്ധപ്പെട്ടിരുന്നത്. നാലുമാസം മുമ്പ് ജാമ്യത്തിലിറങ്ങിയ സന്തോഷ് ഷെട്ടിഗാര്‍ മോഹന്‍ കുമാറിന്റെ ഭാര്യയുമായി അടുപ്പം സ്ഥാപിക്കുകയായിരുന്നു.

യുവതിക്കു ദേര്‍ളക്കട്ടയില്‍ കോടികള്‍ വിലമതിക്കുന്ന ഭൂമി ഉണ്ടായിരുന്നു. ഷെട്ടിഗാര്‍ ഇടപെട്ട് ഇത് വില്‍ക്കുകയും ഇരുവരും ഒന്നിച്ചു താമസിക്കാന്‍ തീരുമാനിക്കുകയുമായിരുന്നു. മംഗലാപുരത്തെ ഫല്‍റ്റിലാണ് ഇപ്പോള്‍ ഇവരുടെ താമസം. നിയമാനുസൃത വിവാഹത്തിന് ഇവര്‍ ഒരുങ്ങുകയാണ്.
മലയാളി യുവതികള്‍ ഉള്‍പെടെ 20ഓളം യുവതികളെ കൊലപ്പെടുത്തിയ കേസില്‍ പ്രതിയായ മോഹന്‍ കുമാറിനെ മൂന്നു കേസുകളില്‍ വധശിക്ഷയ്ക്കു വിധിച്ചിട്ടുണ്ട്.

Cyanide Mohan