Controversy | സുഭാഷ് ചന്ദ്ര ബോസിന്റെ ജന്മദിനം ആഘോഷിക്കുന്ന വേളയില് മരണ തീയതി പരാമര്ശിച്ചതില് പരാതി; രാഹുല് ഗാന്ധിക്കെതിരെ കേസെടുത്തു

● അഖില ഭാരതീയ ഹിന്ദു മഹാസഭയുടെ പരാതിയിലാണ് നടപടി.
● തെക്കന് കൊല്ക്കത്തയിലെ ഭവാനിപുര് പൊലീസാണ് എഫ്ഐആര് രജിസ്റ്റര് ചെയ്തത്.
● തൃണമൂല് കോണ്ഗ്രസ് നേതാക്കളും പ്രതിഷേധവുമായി രംഗത്തെത്തി.
കൊല്ക്കത്ത: (KasargodVartha) ലോക്സഭാ പ്രതിപക്ഷ നേതാവ് രാഹുല് ഗാന്ധിക്കെതിരെ എഫ്ഐആര്. സുഭാഷ് ചന്ദ്ര ബോസിന്റെ ജന്മദിനം ആഘോഷിക്കുന്ന വേളയില് മരണ തീയതി പരാമര്ശിച്ചതില് അഖില ഭാരതീയ ഹിന്ദു മഹാസഭയുടെ പരാതിയിലാണ് നടപടി. തെക്കന് കൊല്ക്കത്തയിലെ ഭവാനിപുര് പൊലീസാണ് രാഹുല് ഗാന്ധിക്കെതിരെ എഫ്ഐആര് രജിസ്റ്റര് ചെയ്തത്.
പിന്നാലെ രാഹുല് ഗാന്ധിയുടെ വിവാദ പോസ്റ്റിലെ ഉള്ളടക്കത്തില് പ്രതിഷേധിച്ച് സൗത്ത് കൊല്ക്കത്തയിലെ എല്ജിന് റോഡിലുള്ള നേതാജിയുടെ പൂര്വ്വിക വീടിന് സമീപം പ്രവര്ത്തകര് പ്രകടനങ്ങളും നടത്തി. രാഹുല് മാപ്പ് പറയണമെന്ന് ആവശ്യപ്പെട്ട് തൃണമൂല് കോണ്ഗ്രസ് നേതാക്കളും രംഗത്തെത്തിയിരുന്നു.
ജനുവരി 23നായിരുന്നു സുഭാഷ് ചന്ദ്ര ബോസിന്റ ജന്മദിനം. അന്നേ ദിവസം രാഹുല് ഗാന്ധി സമൂഹ മാധ്യമമായ എക്സില് പങ്കുവച്ച കുറിപ്പില് നേതാജിയുടെ മരണ തീയതിയായി 1945 ഓഗസ്റ്റ് 18 എന്ന് കുറിച്ചിരുന്നു.
രാഹുല് ഗാന്ധി സുഭാഷ് ചന്ദ്ര ബോസിന്റെ മരണത്തീയതിയായി പങ്കുവച്ച ഓഗസ്റ്റ് 18നാണ് നേതാജിയുമായി വിയറ്റ്നാമിലെ ടുറെയ്നില്നിന്ന് പുറപ്പെട്ട വിമാനം തായ്പേയിലെ തയ്ഹോക്ക് വിമാനത്താവളത്തില്നിന്ന് ഇന്ധനം നിറച്ച് പറന്നുയരവേ തകര്ന്ന് വീണെന്ന് പറയപ്പെടുന്നത്.
അതേസമയം, സുഭാഷ് ചന്ദ്ര ബോസിന്റെ ജനന തീയതി അറിയാമെങ്കിലും മരണ തീയതി ആര്ക്കും അറിയില്ലെന്നും അദ്ദേഹത്തിന്റെ തിരോധാനവുമായി ബന്ധപ്പെട്ട സങ്കടം എക്കാലവും നിലനില്ക്കുമെന്നും ആയിരുന്നു ബംഗാള് മുഖ്യമന്ത്രി മമത ബാനര്ജിയുടെ പ്രതികരണം. നേതാജിയുടെ തിരോധാനവുമായി ബന്ധപ്പെട്ട ദുരൂഹമായ കാര്യങ്ങള് കോണ്ഗ്രസ് മറച്ചുവയ്ക്കുകയാണെന്നും നേതാജി എവിടെയായിരുന്നുവെന്നോ ഇപ്പോള് എവിടെയാണെന്നോ ഉള്ള കാര്യം കോണ്ഗ്രസ് മറച്ചുവച്ചെന്നും തൃണമൂല് കോണ്ഗ്രസ് നേതാവ് കുനാല് ഘോഷും ആരോപിച്ചു.
ഈ വാർത്ത ഷെയർ ചെയ്യാനും നിങ്ങളുടെ അഭിപ്രായങ്ങൾ താഴെ കൊടുക്കാനും മറക്കരുത്.
Rahul Gandhi faced an FIR for mentioning Netaji Subhash Chandra Bose’s death date in a social media post during his birthday celebrations, causing protests and political backlash.
#RahulGandhi #SubhashChandraBose #IndianPolitics #Controversy #WestBengal