മംഗലാപുരത്തെ ഇളക്കി മറിച്ച് രാഹുല്‍

മംഗലാപുരം: (www.kasargodvartha.com 05.04.2014) വാക്കു കൊണ്ടും നോക്കു കൊണ്ടും ജന സഹസ്രങ്ങളെ ആവേശഭരിതരാക്കി രാഹുല്‍. വെള്ളിയാഴ്ച മംഗലാപുരം നെഹ്‌റു മൈതാനത്ത് ലോക്‌സഭാ സ്ഥാനാര്‍ത്ഥി ജനാര്‍ദന പൂജാരിയുടെ  പ്രചരണ യോഗത്തിലാണ് രാഹുല്‍ ആവേശം വിതറിയത്.

കനത്ത സുരക്ഷയെ അവഗണിച്ച് രാഹുല്‍ അണികള്‍ക്കിടയിലേക്ക് ഇറങ്ങിയപ്പോള്‍ ജനങ്ങള്‍ ആവേശം കൊണ്ട് ഇളകി മറിയുകയായിരുന്നു. 15 മിനിറ്റു മാത്രം പ്രസംഗിച്ച് രാഹുല്‍ ആള്‍ക്കൂട്ടത്തെ കയ്യിലെടുക്കുകയായിരുന്നു.





പ്രസംഗത്തില്‍ ഒരിടത്തു പോലും അദ്ദേഹം മോഡിയുടെ പേര് പരാമര്‍ശിച്ചില്ല. ബി.ജെ.പിയുടെ വികസന മാതൃക വെറും പൊള്ളയാണെന്ന് മാത്രം ഒരു ഘട്ടത്തില്‍ പറഞ്ഞു. പൊതുയോഗത്തിനു ശേഷം മംഗലാപുരം സര്‍ക്യൂട്ട് ഹൗസില്‍ വിശ്രമിച്ച രാഹുല്‍ ശനിയാഴ്ച രാവിലെ കാസര്‍കോട്ടേക്കു പുറപ്പെടുകയായിരുന്നു.