ബംഗളൂരുവില്‍ കെ എസ് ആര്‍ ടി സി ബസ് കാറിലിടിച്ച് ഒരു കുടുംബത്തിലെ അഞ്ചു പേര്‍ക്ക് ദാരുണാന്ത്യം

ബംഗളൂരു: (www.kasargodvartha.com 05.03.2019) ബംഗളൂരുവില്‍ കെ എസ് ആര്‍ ടി സി ബസ് കാറിലിടിച്ച് അഞ്ച് പേര്‍ മരിച്ചു. നെളമംഗല യന്‍തംഗനഹള്ളിയിലാണ് അപകടമുണ്ടായത്. കെ എസ് ആര്‍ ടി സി ബസ് സ്‌കോര്‍പ്പിയോ കാറിലിടിക്കുകയായിരുന്നു. കാറിലുണ്ടായിരുന്ന ഒരു കുടുംബത്തിലെ അഞ്ചു പേരാണ് മരണപ്പെട്ടത്.

മൂന്ന് പുരുഷന്മാര്‍, ഒരു സ്ത്രീ, ഒരു പെണ്‍കുട്ടി എന്നിവരാണ് മരിച്ചത്. ഇവരുടെ പേരുവിവരങ്ങള്‍ ലഭ്യമായിട്ടില്ല. ഹാസന്‍ ദേശീയപാതയില്‍ വരികയായിരുന്ന കാറില്‍ ബംഗളൂരുവില്‍ നിന്നും മംഗളൂരുവിലേക്ക് പോവുകയായിരുന്ന ബസ് ഇടിക്കുകയായിരുന്നു. 35 പേരാണ് ബസിലുണ്ടായിരുന്നത്. ഇവര്‍ നിസാരപരിക്കുകളോടെ രക്ഷപ്പെട്ടു. വിവരമറിഞ്ഞ് ബംഗളൂരു റൂറല്‍ പോലീസ് സ്ഥലത്തെത്തി.