നിര്‍മ്മാണത്തിലിരിക്കുന്ന കെട്ടിടം തകര്‍ന്ന് വീണ് അന്യ സംസ്ഥാന തൊഴിലാളികളായ രണ്ട് പേര്‍ മരിച്ചു, എട്ട് പേര്‍ക്ക് പരിക്ക്

By Webdesk ViApr 5, 2019, 13:08 IST

ബംഗളൂരു:(www.kasargodvartha.com 05/04/2019) നിര്‍മ്മാണത്തിലിരിക്കുന്ന കെട്ടിടം തകര്‍ന്ന് വീണ് അന്യ സംസ്ഥാന തൊഴിലാളികളായ രണ്ട് പേര്‍ മരിച്ചു. ബംഗളൂരു എ പി എ സി യാര്‍ഡിനു സമീപം നിര്‍മ്മാണത്തിലിരുന്ന ബഹുനില കെട്ടിടത്തിന്റെ ഒരു ഭാഗം തകര്‍ന്ന് വീണാണ് രണ്ട് പേര്‍ മരിച്ചത്. പശ്ചിമ ബംഗാള്‍ സ്വദേശിയായ രാകേഷ്, ബീഹാര്‍ സ്വദേശി രാഹുല്‍ എന്നിവരാണ് മരിച്ചത്. സംഭവത്തില്‍ എട്ട് പേര്‍ക്ക് പരിക്കേറ്റിട്ടുണ്ട്. ഇവരെ സമീപത്തെ ആശുപത്രിയില്‍ പ്രവേശിപ്പിച്ചിരിക്കുകയാണ്.