BJP | യുവമോർച നേതാവിന്റെ മരണം: രാഷ്ട്രീയ കൊലപാതകമെന്ന് കേന്ദ്രമന്ത്രിയും എംപിയും; ക്ഷേത്രത്തിൽ ഉത്സവത്തിനിടെ ചേരിതിരിഞ്ഞ് നടത്തിയ ഏറ്റുമുട്ടലിലാണ് മരണമെന്ന് പൊലീസ്

ബുധനാഴ്ച ധാർവാഡ് എസ് ഡി എം ആശുപത്രിയിൽ പ്രവീണിന്റെ കുടുംബത്തെ അനുശോചനം അറിയിച്ച ശേഷം നടത്തിയ പ്രസ്താവനയിലാണ് കേന്ദ്രമന്ത്രി രാഷ്ട്രീയ കൊലപാതകം എന്ന് പറഞ്ഞത്. 'ബിജെപിയുടെ താഴെ തട്ടിലുള്ള പ്രവർത്തകർ അടിക്കടി കൊല്ലപ്പെടുകയാണ്. നേരത്തെ ബിജെപി നേതാവ് യോഗേഷ് ഗൗഢ കൊല്ലപ്പെട്ടു. ഇപ്പോഴിതാ കമ്മാറ. ഉചിത നടപടി സ്വീകരിക്കാൻ പൊലീസിനോട് ആവശ്യപ്പെട്ടിട്ടുണ്ട്. ഇരയുടെ ബന്ധുക്കൾക്ക് നീതി ലഭിക്കാൻ കർണാടക സർകാർ ഇടപെടണം. ലിംഗായത്ത്-പത്മശാലിയ വിഭാഗക്കാരനാണ് കൊല്ലപ്പെട്ട യുവാവ്. ഞങ്ങൾ എപ്പോഴും അവർക്ക് ഒപ്പമുണ്ടാവും. നഷ്ടപരിഹാരവും ലഭ്യമാക്കും', കേന്ദ്രമന്ത്രി പറഞ്ഞു.

ബിജെപിയുടെ തിരഞ്ഞെടുപ്പ് പ്രചാരണ മുഖ്യധാരയിൽ നിന്ന് പുറത്തായ തേജസ്വി സൂര്യയും രാഷ്ട്രീയ കൊലപാതകം എന്ന് ആരോപിച്ച് രംഗത്ത് വന്നിട്ടുണ്ട്. കൊടുരു ഗ്രാമത്തിലെ ക്ഷേത്രം ഉത്സവത്തിനിടെ ചേരിതിരിഞ്ഞ് നടത്തിയ ഏറ്റുമുട്ടലിന്റെ തുടർച്ചയായി നടന്ന അക്രമത്തിലാണ് കമ്മാറ മരിച്ചതെന്ന് ധാർവാഡ് ജില്ല പൊലീസ് സൂപ്രണ്ട് യോഗേഷ് ജൽസാഗർ പറഞ്ഞു. നാലു പേരെ കസ്റ്റഡിയിലെടുത്ത് ചോദ്യം ചെയ്യുകയാണ്.

Keywords: Manglore-News, News, National, Top-Headlines, Murder, BJP, Politics, Leader, Police, Hospital, Temple, Festival, BJYM leader's murder: BJP calls it political murder, demands action.
< !- START disable copy paste -->