ബജ്‌റംഗ്ദള്‍ പ്രവര്‍ത്തകന്റെ കൊലയ്ക്കു പിന്നാലെ വെട്ടേറ്റ് ഗുരുതരാവസ്ഥയില്‍ ചികിത്സയിലായിരുന്ന ബഷീര്‍ മരിച്ചു

മംഗളൂരു: (www.kasargodvartha.com 07.01.2018) ബജ്റംഗ്ദള്‍ പ്രവര്‍ത്തകന്റെ കൊലയ്ക്ക് പിന്നാലെ വെട്ടേറ്റ് ഗുരുതരാവസ്ഥയില്‍ ചികിത്സയിലായിരുന്ന കൊട്ടാര്‍ ചൗക്കിയിലെ ബഷീര്‍ (47) മരിച്ചു. ഞായറാഴ്ചയാണ് മരണം സംഭവിച്ചത്. കാസര്‍കോട് സ്വദേശികളടക്കം നാലുപേരാണ് കേസിലെ പ്രതികള്‍. പ്രതികളായ സന്ദേശ്, ധനുഷ്, ശ്രീജിത്ത്, കിഷന്‍ എന്നിവരെ പോലീസ് അറസ്റ്റു ചെയ്തിരുന്നു.

കൊട്ടേക്കാര്‍ ചൗക്കിയില്‍ വെച്ചാണ് സംഘം ബഷീറിനെ വെട്ടിപ്പരിക്കേല്‍പിച്ചത്. കടയടച്ച് വീട്ടിലേക്ക് പോവുകയായിരുന്നു ബഷീര്‍. വധശ്രമത്തിനാണ് പ്രതികള്‍ക്കെതിരെ പോലീസ് കേസെടുത്തിരുന്നത്. ബഷീര്‍ മരിച്ചതോടെ പ്രതികള്‍ക്കെതിരെ കൊലക്കുറ്റം ചുമത്തുമെന്ന് പോലീസ് പറഞ്ഞു. ബഷീറിന്റെ മരണവിവരമറിഞ്ഞ് നിരവധി പേര്‍ ആശുപത്രിയിലേക്ക് ഒഴുകിയെത്തി.

< !- START disable copy paste -->