യോഗി ആദിത്യനാഥ് പങ്കെടുത്ത പരിപാടിക്കെത്തിയ മുസ്ലിം യുവതിയുടെ പര്‍ദ പോലീസുകാര്‍ നിര്‍ബന്ധിച്ച് അഴിപ്പിച്ചു; പര്‍ദ അഴിപ്പിച്ചത് ബിജെപി പ്രവര്‍ത്തകയുടെ

ബല്ലിയ: (www.kasargodvartha.com 22.11.2017) യോഗി ആദിത്യനാഥ് പങ്കെടുത്ത പരിപാടിക്കെത്തിയ മുസ്ലിം മതത്തില്‍പെട്ട ബിജെപി പ്രവര്‍ത്തകയുടെ പര്‍ദ പോലീസുകാര്‍ നിര്‍ബന്ധിച്ച് അഴിപ്പിച്ചു. സാഹിറ എന്ന സ്ത്രീക്കാണ് കഴിഞ്ഞ ദിവസം പര്‍ദ അഴിക്കേണ്ടിവന്നത്. മാധ്യമപ്രവര്‍ത്തകര്‍ പോലീസ് പര്‍ദ നിര്‍ബന്ധിച്ച് അഴിപ്പിക്കുന്ന ദൃശ്യം ഷൂട്ട് ചെയ്ത് പുറത്തുവിടുകയായിരുന്നു.

ഉത്തര്‍ പ്രദേശ് മുഖ്യമന്ത്രി യോഗി ആദിത്യനാഥ് പങ്കെടുത്ത ബല്ലിയ ജില്ലയില്‍ നടന്ന പരിപാടിയിലാണ് യുവതിയുടെ പര്‍ദ മൂന്ന് വനിതാ പോലീസുകാരെത്തി അഴിപ്പിച്ചത്. പിന്നാലെ ഒരു പുരുഷ പോലീസുകാരന്‍ വന്ന് പര്‍ദ കൈമാറാന്‍ ആവശ്യപ്പെടുകയും ചെയ്തു. കറുത്ത നിറത്തിലുള്ള വസ്ത്രമായതിനാലാവാം പര്‍ദ അഴിപ്പിച്ചതെന്നും കുറേക്കാലമായി താനും ഭര്‍ത്താവും ബി.ജെ.പി പ്രവര്‍ത്തകരാണെന്നും സാഹിറ കൂട്ടിച്ചേര്‍ത്തു. പര്‍ദ അഴിപ്പിച്ച സംഭവം വിവാദത്തിന് തിരികൊളുത്തിയിട്ടുണ്ട്.