പ്രധാനമന്ത്രി അനാവരണം ചെയ്ത ആദി യോഗി പ്രതിമയ്ക്ക് ഗിന്നസ് റെക്കോര്‍ഡ്

By Web Desk BetaMay 13, 2017, 10:02 IST

കോയമ്പത്തൂര്‍: (www.kasargodvartha.com 13/05/2017) ഇഷ ഫൗണ്ടേഷന്‍ കേന്ദ്രത്തിലെ ആദി യോഗി പ്രതിമയ്ക്ക് ഗിന്നസ് റെക്കോര്‍ഡ്. പ്രധാനമന്ത്രി അനാവരണം ചെയ്ത ശിവപ്രതിമയാണ് ലോകത്തിലെ ഏറ്റവും വലിയ മുഖപ്രതിമയായി ഗിന്നസ് ബുക്ക് ഓഫ് വേള്‍ഡ് റെക്കോര്‍ഡ്‌സ് പ്രഖ്യാപിച്ചത്.

യോഗ ഉപജ്ഞാതാവ് ആദി യോഗിശിന്റെ ആത്മപരിവര്‍ത്തനത്തിനുള്ള 112 മാര്‍ഗങ്ങളെ പ്രകീര്‍ത്തിക്കുന്ന പ്രതിമയാണിത്. 112.4 അടി ഉയരത്തിലാണ് പ്രതിമ നിര്‍മിച്ചിരിക്കുന്നത്. സദ്ഗുരു ജഗ്ഗി വാസുദേവിന്റെ കോയമ്ബത്തൂര്‍ വെള്ളിങ്കിരി മലയടിവാരത്തിലെ യോഗ സെന്ററിനടുത്ത് സ്ഥാപിച്ചിരിക്കുന്ന പ്രതിമ ഫെബ്രുവരി 24 നാണ് പ്രധാനമന്ത്രി നരേന്ദ്ര മോദി അനാവരണം ചെയ്തത്.

24.99 മീറ്റര്‍ വീതിയും 147 അടി നീളവുമുള്ള പ്രതിമ കാണാന്‍ നിരവധി പേരാണ് കോയമ്പത്തൂരിലേക്ക് എത്തുന്നത്.