ട്യൂഷന്‍ക്ലാസിന് പോയ വിദ്യാര്‍ഥിനിയെ കാണാതായി

മംഗലാപുരം: ട്യൂഷന്‍ ക്ലാസിന് പോയ വിദ്യാര്‍ത്ഥിനിയെ കാണാതായി. മുള്‍കി ഹളെയങ്കാടിയിലെ ബോജകുന്തറിന്റെ മകള്‍ തൃപ്തി(17)യെയാണ് കാണാതായത്. കഴിഞ്ഞ 18 ന് വൈകുന്നേരം ട്യൂഷന്‍ ക്ലാസിനാണെന്ന് പറഞ്ഞ് വീട്ടില്‍ നിന്ന് പോയതായിരുന്നു. ബന്ധുവീടുകളില്‍ അന്വേഷിച്ചെങ്കിലും കണ്ടെത്താനായില്ല.

തൃപ്തിയുടെ മുത്തച്ഛന്‍ സഞ്ജീവയുടെ പരാതിയില്‍ പോലീസ് അന്വേഷണം ആരംഭിച്ചിട്ടുണ്ട്. കാണാതാവുന്ന സമയത്ത് വെള്ള പുള്ളികളുള്ള പച്ച ചൂരിദാറും കറുത്ത സെല്‍വാറുമായിരുന്നു വേഷം. തുളു, കന്നഡ ഭാഷകള്‍ സംസാരിക്കും. തൃപ്തിയെകുറിച്ച് എന്തെങ്കിലും വിവരം ലഭിക്കുന്നവര്‍ താഴെകാണുന്ന ഫോണ്‍ നമ്പരുകളില്‍ ബന്ധപ്പെടമെന്ന് പോലീസ് അറിയിച്ചു. മംഗലാപുരം സിറ്റി പോലീസ്: 0824-2220807, മുള്‍കി പോലീസ്: 0824-2290533, 9480805332