മഹാരാഷ്ട്രയിലെ വീരാറില്‍ കോവിഡ് ആശുപത്രിയില്‍ തീപിടുത്തം; 13 മരണം

By WebDesk OmegaApr 23, 2021, 09:54 IST

മുംബൈ: (www.kasargodvartha.com 23.04.2021) മഹാരാഷ്ട്രയിലെ വീരാറില്‍ കോവിഡ് ആശുപത്രിയില്‍ തീപിടുത്തം. 13 രോഗികള്‍ മരിച്ചു. ഐസിയുവില്‍ പ്രവേശിപ്പിച്ചിരുന്ന 17 പേരിലെ 13 പേരാണ് മരിച്ചത്. വിജയ് വല്ലഭ് ആശുപത്രിയിലാണ് തീ പിടുത്തമുണ്ടായത്.

വിജയ് വല്ലഭ ആശുപത്രിയിലെ ഐസിയു വാര്‍ഡില്‍ പുലര്‍ച്ചെയാണ് തീപിടുത്തമുണ്ടായത്. ഗുരുതരാവസ്ഥയിലുള്ള മറ്റ് രോഗികളെ സമീപത്തെ ആശുപത്രികളിലേക്ക് മാറ്റി. അതേസമയം സംഭവത്തില്‍ മുഖ്യമന്ത്രി ഉദ്ധവ് താക്കറെ അന്വേഷണം പ്രഖ്യാപിച്ചു.