Murder case | 'പ്രവീൺ എത്തിയത് അയ്നാസിനെ കൊല്ലാൻ', തടയാനെത്തിയപ്പോൾ മറ്റുള്ളവരെ കൊലപ്പെടുത്തിയെന്ന് എസ്പി; 'പ്രതി കുറ്റം സമ്മതിച്ചു'; കാരണം തേടി പൊലീസ്

ഞായറാഴ്ച രാവിലെ 8.30 ഓടെ നടന്ന സംഭവത്തിൽ, സഊദി അറേബ്യയിൽ പ്രവാസിയായ നൂർ മുഹമ്മദിന്റെ ഭാര്യ ഹസീന (47), മക്കളായ അഫ്‌നാൻ (23), അയ്നാസ് (21), അസീം (14) എന്നിവരാണ് കൊല്ലപ്പെട്ടത്. സംഭവസമയത്ത് വീട്ടിലുണ്ടായിരുന്ന നൂർ മുഹമ്മദിന്റെ മാതാവ് ഹാജറ (70) യ്ക്ക് പരുക്കേറ്റിരുന്നു. ഇവർ ഇപ്പോൾ സുഖം പ്രാപിച്ചിട്ടുണ്ട്.

ഫോൺ ലൊകേഷനും കോൾ ഡാറ്റയും ഉൾപ്പെടെയുള്ള സാങ്കേതിക വിവരങ്ങളുടെ അടിസ്ഥാനത്തിലാണ് ഉഡുപി പൊലീസ് പ്രവീൺ ചൗഗുലെയെ കണ്ടെത്തിയത്. അയ്‌നാസിന്റെ ചാറ്റുകളും ഫോൺ രേഖകളും പൊലീസ് പരിശോധിച്ചു. കൊലപാതക സമയത്ത് ഇയാൾ ഫോൺ സംശയാസ്പദമായ രീതിയിൽ സ്വിച് ഓഫ് ചെയ്തിരുന്നതായും കണ്ടെത്തി. പിന്നീട് മൊബൈൽ ഫോൺ സ്വിച് ഓൺ ചെയ്‌തതാണ് നിർണായകമായത്.

നാലുപേരെയും കൊലപ്പെടുത്തിയ ശേഷം പ്രതി, ജലസേചന വകുപ്പ് എൻജിനീയറായ അമ്മാവനൊപ്പം ദീപാവലി ആഘോഷിക്കാൻ ബെലഗാവിയിലെ കുടുച്ചിയിലേക്ക് പോയതായി പൊലീസ് വൃത്തങ്ങൾ അറിയിച്ചു. ചൊവ്വാഴ്ച ഉച്ചയോടെ ബെലഗാവി റായ്ബാഗ് താലൂകിലെ കുടുച്ചിയിൽ നിന്നാണ് പ്രവീണിനെ പിടികൂടിയത്. 

 പ്രതി വിവാഹിതനും രണ്ട് കുട്ടികളുടെ പിതാവുമാണെന്നും പൊലീസ് പറഞ്ഞു. ഇയാൾ നേരത്തെ മഹാരാഷ്ട്രയിലെ പൂനെയിൽ മൂന്ന് മാസം പൊലീസുകാരനായി ജോലി ചെയ്തിട്ടുണ്ടെന്നും ഉഡുപി പൊലീസിന്റെ അന്വേഷണത്തിൽ കണ്ടെത്തിയിട്ടുണ്ട്.

Keywords: Diwali, Taluk, Police, Arrest, Udupi, Maharashtra, Investigation, Phone, Mobile, Nejar family murder case: Suspect has confessed to crime, says Udupi SP.