ദക്ഷിണ കന്നടയിൽ മണ്ണിടിച്ചിൽ ദുരന്തം; നാല് പേർ മരിച്ചു, ഒരാൾ ഗുരുതരാവസ്ഥയിൽ

മംഗളൂരു: (KasargodVartha) കനത്ത മഴ ദുരന്തം വിതച്ച മംഗളൂരിൽ മണ്ണിടിച്ചിലിൽ മൂന്ന് കുട്ടികളടക്കം നാല് പേർക്ക് ദാരുണാന്ത്യം. ദക്ഷിണ കന്നട മഞ്ഞനാടി മൊണ്ടെപ്പഡവിൽ വെള്ളിയാഴ്ച പുലർച്ചെ നാല് മണിയോടെയുണ്ടായ കുന്നിടിച്ചിലിൽ കാന്തപ്പ പൂജാരിയുടെ ഭാര്യ പ്രേമ (50), അവരുടെ പേരക്കുട്ടികളായ മൂന്ന് വയസ്സുകാരൻ ആര്യൻ, രണ്ട് വയസ്സുകാരൻ ആയുഷ് എന്നിവർ മരിച്ചു. 

ഗുരുതരമായി പരിക്കേറ്റ കാന്തപ്പ പൂജാരി, മകൻ സീതാറാം, സീതാറാമിന്റെ ഭാര്യ അശ്വിനി എന്നിവരെ ആശുപത്രിയിൽ പ്രവേശിപ്പിച്ചു. മരിച്ച കുട്ടികളുടെ അമ്മയായ അശ്വിനിയുടെ നില അതീവ ഗുരുതരമാണ്. 

ഈ ദുരന്തത്തിൽ കാന്തപ്പ പൂജാരിയുടെ വീടിന്റെ ഒരു ഭാഗം പൂർണ്ണമായും തകർന്നു. നാട്ടുകാരും സംസ്ഥാന ദുരന്ത നിവാരണ സേനയും അഗ്നിരക്ഷാ സേനയും ചേർന്ന് രക്ഷാപ്രവർത്തനം നടത്തി.

ഇതിനു പുറമെ, വ്യാഴാഴ്ച രാത്രി ദെർലക്കട്ടെക്കടുത്ത് ബെൽമ കനകരയിൽ വീടിന്റെ സംരക്ഷണഭിത്തി ഇടിഞ്ഞുവീണ് നൗഷാദിന്റെ പത്ത് വയസ്സുകാരി മകൾ ഫാത്തിമയും മരിച്ചു. 

വീടിന് പിന്നിലെ കുന്നിന്റെ സംരക്ഷണഭിത്തി ഇടിഞ്ഞ് ഉറങ്ങിക്കിടക്കുകയായിരുന്ന ഫാത്തിമയുടെ മേൽ പതിക്കുകയായിരുന്നു. ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.

ഈ ദുരന്ത വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ രേഖപ്പെടുത്തുക.

Article Summary: Mangaluru landslides kill four, including three children, after heavy rains.
 

#MangaluruRains, #Landslide, #RainDisaster, #KarnatakaFloods, #Tragedy, #RescueOps