ബന്ദിൽ സ്തംഭിച്ച് മംഗളൂരു: വിദ്യാർഥികളും യാത്രക്കാരും വലഞ്ഞു; വ്യാപാര സ്ഥാപനങ്ങൾ അടച്ചു

മംഗളൂരു: (KasargodVartha) ബാജ്‌പെയിൽ ഗുണ്ടാസംഘം തലവനും കാട്ടിപ്പള്ളയിലെ മുഹമ്മദ് ഫാസിൽ വധക്കേസിലെ പ്രതിയുമായ സുഹാസ് ഷെട്ടി കൊല്ലപ്പെട്ട സംഭവത്തിൽ പ്രതിഷേധിച്ച് വിശ്വഹിന്ദു പരിഷത്ത് വെള്ളിയാഴ്ച ആഹ്വാനം ചെയ്ത 12 മണിക്കൂർ ബന്ദ് മംഗളൂരു നഗരത്തെയും പരിസരപ്രദേശങ്ങളെയും സ്തംഭിപ്പിച്ചു.

രാവിലെ പതിവുപോലെ തുറന്നു പ്രവർത്തിച്ച വ്യാപാര സ്ഥാപനങ്ങൾ ബന്ദിനെ പിന്തുണയ്ക്കുന്നവർ നിർബന്ധിച്ച് അടപ്പിച്ചു. സ്വകാര്യ ബസുകൾക്ക് നേരെ കല്ലേറുണ്ടായതിനെ തുടർന്ന് ബസ് സർവീസുകൾ പെട്ടെന്ന് നിർത്തിവച്ചത് വിദ്യാർഥികൾ ഉൾപ്പെടെയുള്ള യാത്രക്കാരെ ദുരിതത്തിലാഴ്ത്തി. 

ദൂരസ്ഥലങ്ങളിൽ നിന്ന് എത്തിയ വിദ്യാർഥികൾക്ക് കെഎസ്ആർടിസി ബസ് സ്റ്റാൻഡിൽ മണിക്കൂറുകളോളം കാത്തിരിക്കേണ്ടി വന്നു. മുൾക്കി, ഉഡുപ്പി, കുന്താപുരം എന്നിവിടങ്ങളിൽ നിന്നുള്ള വിദ്യാർഥികളാണ് യാത്രാതടസ്സം മൂലം ഏറെ ബുദ്ധിമുട്ടിയത്.

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക! 

Article Summary: A 12-hour bandh called by Vishwa Hindu Parishad to protest the murder of a gang leader paralyzed Mangaluru, disrupting transportation and forcing businesses to close, leaving students and travelers stranded.

#MangaluruBandh, #VHPProtest, #TravelDisruption, #StudentStranded, #BusinessClosed, #SuhasShetty