Achievement | മംഗ്ളുറു സർവകലാശാല പരീക്ഷയിൽ മിലാഗ്രസ് കോളജിൽ നിന്ന് 3 വിദ്യാർഥിനികൾക്ക് ഒന്നാം റാങ്ക്; നേട്ടം കുറിച്ചവരിൽ ഹിജാബ് ധാരികളായ 2 പേരും

മംഗ്ളുറു: (KasargodVartha) മംഗ്ളുറു സർവകലാശാലയുടെ 2023-24 അധ്യയന വർഷത്തിലെ റാങ്ക് പട്ടികയിൽ മംഗ്ളുറു മിലാഗ്രസ് കോളേജിന് അഭിമാനകരമായ നേട്ടം. കോളേജിലെ മൂന്ന് വിദ്യാർത്ഥികൾ വിവിധ ബിരുദ കോഴ്സുകളിൽ ഒന്നാം റാങ്കുകൾ കരസ്ഥമാക്കി. ഈ മിടുക്കികൾ തങ്ങളുടെ അക്കാദമിക് മികവിനൊപ്പം പാഠ്യേതര പ്രവർത്തനങ്ങളിലും സജീവ സാന്നിധ്യമായിരുന്നു എന്നത് ശ്രദ്ധേയമാണ്.

ബിഎസ്‌സി ഹോസ്പിറ്റാലിറ്റി സയൻസ് കോഴ്സിൽ ഒന്നാം റാങ്ക് നേടിയ ജെസ്‌ലിൻ ജെയ്ൻ റോഡ്രിഗസ്, ദക്ഷിണ കന്നഡ ജില്ലയിലെ എല്ലിഞ്ചെ ദമാസ്‌കട്ടെ സ്വദേശിയാണ്. ഫ്രാൻസിസ് ഇവാൻ റോഡ്രിഗസിൻ്റെയും ജസീന്ത റോഡ്രിഗസിൻ്റെയും മകളായ ജെസ്‌ലിൻ 88.98 ശതമാനം മാർക്ക് നേടിയാണ് ഈ നേട്ടം കൈവരിച്ചത്.

ഉത്തര കന്നട ജില്ലയിലെ ഭട്കൽ സ്വദേശിയായ ഹാജിറ എൽഫ, ബിഎസ്‌സി ഫുഡ്, ന്യൂട്രീഷൻ & ഡയറ്ററ്റിക്സ് കോഴ്സിലാണ് ഒന്നാം റാങ്ക് നേടിയത്. മുഹമ്മദ് കിഫയത്തുള്ള മുല്ലയുടെയും തസ്‌നീം ബാനുവിൻ്റെയും മകളായ ഹാജിറ 91.27 ശതമാനം മാർക്ക് കരസ്ഥമാക്കി.

മംഗ്ളുറു ഗുരുപുര കൈകമ്പ സ്വദേശിനിയായ സുരയ്യ സദഫ് ബിഎസ്‌സി ഇന്റീരിയർ ഡിസൈൻ ആൻഡ്  ഡെക്കറേഷൻ കോഴ്സിൽ 91.08 ശതമാനം മാർക്ക് നേടി ഒന്നാം റാങ്കിന് അർഹയായി. മുഹമ്മദ് ഹാഷിമിന്റെയും രഹന പർവീണിന്റെയും മകളാണ് സുരയ്യ. വിദ്യാർത്ഥികളുടെ ഈ ഉജ്ജ്വല വിജയത്തിൽ മിലാഗ്രസ് കോളേജ് മാനേജ്‌മെന്റും പ്രിൻസിപ്പലും അധ്യാപകരും അഭിനന്ദനങ്ങൾ അറിയിച്ചു.

ഈ വാർത്തയെ കുറിച്ച് നിങ്ങളുടെ അഭിപ്രായങ്ങൾ രേഖപ്പെടുത്തുക, വാർത്ത ഷെയർ ചെയ്യുക 

Milagres College in Mangalore achieved a remarkable feat with three students securing first ranks in various degree courses in the Mangalore University 2023-24 rank list, including two hijab-wearing students.

#MangaloreUniversity #MilagresCollege #RankList #Education #Success #Hijab