2 കിലോ സ്വര്‍ണവും പണവുമായി 4 കാസര്‍കോട് സ്വദേശികള്‍ മംഗലാപുരത്ത് അറസ്റ്റില്‍

മംഗലാപുരം: ദുബൈയില്‍ നിന്ന് കടത്തിയ രണ്ട് കിലോ സ്വര്‍ണവും 9,000 അമേരിക്കന്‍ ഡോളറും ഒന്നരലക്ഷം ഇന്ത്യന്‍ കറന്‍സിയുമായി രണ്ട് കാസര്‍കോട് സ്വദേശികളെ മംഗലാപുരം വിമാനത്താവളത്തില്‍ റവന്യൂ ഇന്റലിജന്‍സ് അധികൃതര്‍ അറസ്റ്റുചെയ്തു. വിമാനത്താവളത്തിന് പുറത്ത് ഇവരില്‍ നിന്ന് സ്വര്‍ണം കൈക്കലാക്കാനെത്തിയ മറ്റ് രണ്ട് പേരെയും അറസ്റ്റുചെയ്തു. ഞായറാഴ്ചയാണ് സംഭവം.

തെക്കില്‍ സ്വദേശികളായ ഉമര്‍ ഫാറൂഖ് (29), സയ്യിദ് പാക്കയാര്‍ മഠം (25) എന്നിവരും ചട്ടഞ്ചാല്‍ ബെണ്ടിച്ചാല്‍ സ്വദേശികളായ അബ്ദുല്‍ നിസാര്‍ (31), കെ. മുഹമ്മദ് കുഞ്ഞി (51) എന്നിവരാണ് അറസ്റ്റിലായത്. ഫാറൂഖും സയ്യിദും ദുബൈയില്‍ നിന്ന് എയര്‍ ഇന്ത്യാ എക്‌സ്പ്രസ് വിമാനത്തില്‍ വന്നിറങ്ങിയതായിരുന്നു. പരിശോധനയില്‍ ഇവരുടെ ട്രൗസറിന്റെ കീശയില്‍ നിന്ന് ഒരു കിലോ വീതമുള്ള സ്വര്‍ണ ബിസ്‌ക്കറ്റുകള്‍ പിടികൂടുകയായിരുന്നു.

ഇവരുടെ കൈവശമുണ്ടായിരുന്ന ബാഗില്‍ നിന്നാണ് അമേരിക്കന്‍ ഡോളറും ഇന്ത്യന്‍ കറന്‍സിയും കണ്ടെടുത്തത്. ഇവരില്‍ നിന്ന് സ്വര്‍ണവും പണവും കൈപറ്റാന്‍ പുറത്ത് കാത്തുനില്‍ക്കുകയായിരുന്നു മറ്റുള്ളവര്‍. വിമാനത്തില്‍ വന്നിറങ്ങിയ സയ്യിദിനെയും ഫാറൂഖിനെയും സ്വീകരിക്കാനെന്ന വ്യാജേനയായിരുന്നു നിസാറും മുഹമ്മദ് കുഞ്ഞിയും വിമാനത്താവള പരിസരത്ത് കാത്തുനിന്നത്. സ്വര്‍ണക്കടത്തിന്റെ ഏജന്റുമാരാണ് ഇവരെന്ന് സംശയിക്കുന്നു. പ്രതികളെ പിന്നീട് കോടതിയില്‍ ഹാജരാക്കി.


Advertisement:

• മലബാറില്‍ ആദ്യമായി സിമുലേറ്ററിന്റെ സഹായത്തോടെ ഡ്രൈവിംഗ് പരിശീലനം Call: 9400003096
• 2013 ഡിസംബറില്‍ കാസര്‍കോട്ട് നിന്നും പുറപ്പെടുന്ന ഉംറ ബാച്ചിലേക്ക് ബുക്കിംഗ് ആരംഭിച്ചു. വിവരങ്ങള്‍ക്ക് വിളിക്കുക: 9400003090 നിരക്ക്-52,500 മാത്രം
• വൈദ്യുതി മുടക്കമോ? ഉയര്‍ന്ന നിലവാരത്തിലുള്ള ഇന്‍വേര്‍ട്ടറുകളും ബാറ്ററിയും....                     വിളിക്കുക: +91 944 60 90 752
• കറന്റ് ബില്ല് ഷോക്കടിപ്പിച്ചോ? വൈദ്യുതി ലാഭിക്കാം...
  വിളിക്കുക: +91 944 60 90 752