Woman Killed | 'പണം വായ്പയെടുക്കാൻ നിർബന്ധിച്ച് ഭർത്താവ് ഭാര്യയെ വിഷം നൽകി കൊലപ്പെടുത്തി'

മംഗ്ളുറു: (www.kasargodvartha.com) വിഷം അകത്ത് ചെന്ന നിലയിൽ കണ്ടെത്തിയ യുവതി മരിച്ചു. ഉഡുപിയിലെ ദിവ്യ (29) ആണ് മരിച്ചത്. സെപ്തംബർ ഒന്നിന് ഉച്ചില മുല്ലഗുഡ്ഡേയിലെ വീട്ടിൽ വെച്ച് ഭർത്താവ് വിഷം കലർത്തി വിദ്യയ്ക്ക് ഭക്ഷണം നൽകി കൊലപ്പെടുത്തുകയും അതിൽ നിന്ന് ഭർത്താവ് കുറച്ച് സ്വയം കഴിക്കുകയും ആയിരുന്നുവെന്ന് യുവതിയുടെ കുടുംബം ആരോപിച്ചു. ഉഡുപിയിലെ ആശുപത്രിയിൽ പ്രവേശിപ്പിച്ച യുവതി ബുധനാഴ്ചയാണ് മരിച്ചത്. ഭർത്താവ് യതിൻ രാജ് ആശുപത്രിയിൽ ചികിത്സയിലാണ്. സംഭവത്തിൽ പൊലീസ് അന്വേഷണം നടത്തിവരികയാണ്.
  
'2017ൽ പ്രണയത്തിലായ വിദ്യയും യതിൻ രാജും വിവാഹിതരായി മുല്ലഗുഡ്ഡേയിലുള്ള യതിൻ രാജിന്റെ വീട്ടിൽ ഒരുമിച്ച് താമസം തുടങ്ങി. പണത്തിനായി ഭർത്താവ് നിരന്തരം ശാരീരികമായി പീഡിപ്പിക്കുകയും മർദിക്കുകയും ചെയ്തു. വായ്പ വാങ്ങാൻ നിർബന്ധിക്കുകയും കൂടുതൽ പണത്തിനായി ശല്യപ്പെടുത്തുകയും ചെയ്തു. യതിൻ രാജും മാതാപിതാക്കളും വായ്പയെടുക്കാൻ വിദ്യയെ നിരന്തരം ശല്യപ്പെടുത്തിയിരുന്നു. യതിൻ രാജിന് ശരിയായ ജോലി ഇല്ലായിരുന്നു. ഭാര്യയെക്കൊണ്ട് വായ്‌പയ്‌ക്ക് അപേക്ഷിക്കുകയും ആ പണം ചിലവഴിക്കുകയും ചെയ്‌തു.