ഹിജാബ് ഊരണമെന്ന് അധികൃതർ; ഷിവമോഗ്ഗയിൽ 13 വിദ്യാർഥിനികളുടെ പരീക്ഷ മുടങ്ങി; മാണ്ഡ്യയിൽ അധ്യാപിക വിദ്യാർഥിനികളെ തടയുന്ന ദൃശ്യങ്ങൾ വൈറൽ

മംഗ്ളുറു: (www.kasargodvartha.com 14.02.2022) ഷിവമോഗ്ഗ ടൗൺ ഗവ. ഹൈസ്കൂളിൽ ഒമ്പത്, 10 ക്ലാസുകളിലെ ശിരോവസ്ത്രം ധരിച്ച 13 വിദ്യാർഥിനികൾ തിങ്കളാഴ്ച പരീക്ഷ എഴുതാതെ മടങ്ങി. ഹിജാബ് ഊരണമെന്ന് അധികൃതർ ശഠിച്ചതിനെത്തുടർന്നാണിത്.
                       
അഞ്ചുദിവസത്തെ അവധിക്ക് ശേഷം സംസ്ഥാനത്തെ ഹൈസ്കൂളുകൾ തിങ്കളാഴ്ചയാണ് തുറന്നത്. കുട്ടികളുടെ രക്ഷിതാക്കളും കൂടെ വന്ന് ശിരോവസ്ത്ര അനുമതി തേടിയെങ്കിലും കർണാടക ഹൈകോടതി നിർദേശം ചുണ്ടിക്കാട്ടി അധികൃതർ നിരാകരിച്ചു.

മൗലിക കാര്യങ്ങളിൽ വിട്ടുവീഴ്ച ചെയ്തുള്ള പഠനവും പരീക്ഷയും തങ്ങൾക്ക് സ്വീകാര്യമല്ലെന്ന് വീട്ടിലേക്ക് മടങ്ങുന്ന വിദ്യാർഥിനികളിൽ ഒരാളായ ആലിയ മെഹന്ത് പറഞ്ഞു. അതേസമയം നൂറോളം മുസ്‌ലിം വിദ്യാർഥിനികൾ ശിരോവസ്ത്രം ഇല്ലാതെ ഈ വിദ്യാലയത്തിൽ പരീക്ഷ എഴുതി.

#WATCH | K'taka: Argument b/w parents & a teacher outside Rotary School in Mandya as she asked students to take off hijab before entering campus

A parent says,"Requesting to allow students in classroom, hijab can be taken off after that but they're not allowing entry with hijab" pic.twitter.com/0VS57tpAw0

— ANI (@ANI) February 14, 2022