Killed | 'കർണാടകയിൽ ജൈനമത ആചാര്യനെ കൊലപ്പെടുത്തി; മൃതദേഹം പല കഷ്ണങ്ങളാക്കി കുഴൽക്കിണറിൽ തള്ളി'

തിരോധാനം സംബന്ധിച്ച പരാതിയിൽ കേസെടുത്ത് അന്വേഷണം നടക്കുന്നതിനിടെ പൊലീസ് ശനിയാഴ്ച കസ്റ്റഡിയിലെടുത്ത രണ്ടു പേരാണ് തങ്ങൾ അദ്ദേഹത്തെ കൊന്നു എന്ന് വെളിപ്പെടുത്തിയത്. ഭൗതിക ശരീരം എവിടെ ഉപേക്ഷിച്ചു എന്നത് സംബന്ധിച്ച് കസ്റ്റഡിയിലുള്ളവർ ആദ്യം പരസ്പര വിരുദ്ധ വിവരം നൽകിയത് പൊലീസിനെ കുഴച്ചിരുന്നു. കഴിഞ്ഞ ബുധനാഴ്ച രാത്രി 10നാണ് മഹാരാജയെ അവസാനമായി കണ്ടതെന്നാണ് ആശ്രമം അന്തേവാസികൾ അറിയിച്ചത്.

ബസ്തി ചാരിറ്റബിൾ ട്രസ്റ്റ് പ്രസിഡന്റ് ഭീമപ്പ ഉഗാരെയുടെ പരാതിയിൽ ചിക്കോടി പൊലീസ് അന്വേഷണം ഊർജിതമാക്കിയിരുന്നു. സന്യാസിയുടെ തിരോധാനത്തെത്തുടർന്ന് നടത്തിയ പരിശോധനയിൽ ബസ്തിയുടെ വസ്തുക്കളുമായി ബന്ധപ്പെട്ട രേഖകളും കാണാതായത് ശ്രദ്ധയിൽ പെട്ട മാനജ്മെന്റ് അക്കാര്യവും പൊലീസിനെ അറിയിച്ചു.