ജയിലില്‍ കഴിയുന്ന യുവാവിന് കഞ്ചാവ് എത്തിച്ചു കൊടുക്കാന്‍ ശ്രമിച്ച പെണ്‍കുട്ടി അറസ്റ്റില്‍

By Web Desk - MainOct 13, 2018, 16:59 IST

മംഗളൂരു: (www.kasargodvartha.com 13.10.2018) ജയിലില്‍ കഴിയുന്ന യുവാവിന് കഞ്ചാവ് എത്തിച്ചു കൊടുക്കാന്‍ ശ്രമിച്ച പെണ്‍കുട്ടിയെ മംഗളൂരു സിറ്റി ക്രൈംബ്രാഞ്ച് അറസ്റ്റു ചെയ്തു. കഴിഞ്ഞദിവസമാണ് സംഭവം. ജില്ലാ ജയിലില്‍ കഴിയുന്ന മുസ്തഫയ്ക്കാണ് പെണ്‍കുട്ടി കഞ്ചാവ് എത്തിച്ചു കൊടുക്കാന്‍ ശ്രമിച്ചത്. സംശയം തോന്നി കൂടുതല്‍ പരിശോധന നടത്തിയപ്പോഴാണ് പെണ്‍കുട്ടിയില്‍ നിന്നും കഞ്ചാവും മൊബൈലും കണ്ടെത്തിയത്.

20 ഗ്രാം കഞ്ചാവാണ് പിടികൂടിയത്. സംഭവം സംബന്ധിച്ച് ബര്‍കെ പോലീസ് കേസെടുത്തു. പെണ്‍കുട്ടിയുടെ പേരു വിവരങ്ങള്‍ പുറത്തുവിടാന്‍ പോലീസ് തയ്യാറായില്ല.