'ബി ജെ പി എംഎൽഎ കാറിലിരുന്നു'; ഡോക്ടർ റോഡിൽ ചോരവാർന്ന് മരിച്ചു

ബുധനാഴ്ച വൈകുന്നേരം കോവിഡ് ഡ്യൂടി കഴിഞ്ഞ് മടങ്ങുകയായിരുന്ന ഡോക്ടർ സഞ്ചരിച്ച ബൈകിൽ മറ്റൊരു വാഹനം ഇടിച്ച് നിറുത്താതെ പോവുകയായിരുന്നു. റോഡിൽ തെറിച്ചുവീണ ഡോക്ടർക്ക് സാരമായി പരുക്കേറ്റു. ആ വഴിവന്ന എം എൽ എയുടെ കാർ പാതയോരത്ത് നിറുത്തി ഗൺമാൻ സംഭവസ്ഥലത്തേക്ക് ഇറങ്ങിവന്ന് ആംബുലൻസ് വിളിച്ചു. എംഎൽഎ കാറിൽ തന്നെ ഇരുന്നു. ഗൺമാൻ കയറിയതോടെ കാർ മുന്നോട്ട് പോവുകയും ചെയ്തു.

അര മണിക്കൂർ കഴിഞ്ഞാണ് ആംബുലൻസ് എത്തിയത്. അപ്പോഴേക്കും ഡോക്ടറുടെ ശരീരത്തിൽ നിന്ന് അവസാന തുള്ളി രക്തവും വാർന്നുകഴിഞ്ഞിരുന്നു. ആശുപത്രിയിൽ പ്രവേശിപ്പിച്ചപ്പോൾ മരണം സ്ഥിരീകരിച്ചു. ബൈക് യാത്രികനായ ഒരാൾ പകർത്തിയ ഇതുമായി ബന്ധപ്പെട്ട ദൃശ്യങ്ങൾ പൊലീസിന് കൈമാറിയിട്ടുണ്ട്. < !- START disable copy paste -->