Hospitalised | 'കോളജ് ഹോസ്റ്റൽ ഭക്ഷ്യ വിഷബാധ': ആശങ്ക വേണ്ടെന്ന് അധികൃതർ; ചികിത്സ തേടിയത് 137 വിദ്യാർഥികൾ

രാവിലെ മുതൽ തന്നെ പല വിദ്യാർഥികൾക്കും വയറുവേദനയും ഛർദിയും വയറിളക്കവും അനുഭവപ്പെട്ടു തുടങ്ങിയിരുന്നു. വൈകുന്നേരമായതോടെ കൂടുതൽ പേർക്ക് അസ്വസ്ഥതകൾ തുടങ്ങി. ഇതോടെ വിദ്യാർഥികളെ ആശുപത്രിയിലേക്ക് മാറ്റി. മലയാളികൾ ഉൾപെടെ കുട്ടികളുടെ ബന്ധുക്കളും ആശുപത്രികളിൽ എത്തിയിട്ടുണ്ട്. എജെ ഹോസ്പിറ്റൽ-42, ഫാദർ മുള്ളേർസ് -18, കെഎംസി-14, യൂനിറ്റി-എട്ട്, സിറ്റി ഹോസ്പിറ്റൽ -മൂന്ന് എന്നിങ്ങിനെയാണ് ചികിത്സയിലുള്ളത്.

സംഭവത്തിൽ അന്വേഷണം തുടങ്ങിയതായി മംഗ്‌ളുറു സിറ്റി പൊലീസ് കമീഷണർ എൻ ശശികുമാർ അറിയിച്ചു. സംഭവത്തിന്റെ കാരണം കണ്ടെത്താനുള്ള ശ്രമത്തിലാണ് പൊലീസ്. വിദ്യാർഥികൾ അപകടാവസ്ഥ തരണം ചെയ്തതായി ജില്ലാ ഹെൽത് ഇൻസ്‍പെക്ടർ ഡോ. അശോക് പറഞ്ഞു.