കെ എസ് ആര്‍ ടി സി ബസുകള്‍ കൂട്ടിയിടിച്ച് 12 പേര്‍ക്ക് പരുക്ക്

By Web Desk HubOct 5, 2020, 13:21 IST

മംഗളൂറു: (www.kasargodvartha.com 05.10.2020) ദേശീയ പാത 66ല്‍ മുല്‍കി ഹെളയങ്ങാടി കനറ ബാങ്കിന് മുന്നില്‍ തിങ്കളാഴ്ച പുലര്‍ച്ചെ കെ എസ് ആര്‍ ടി സി ബസുകള്‍ കൂട്ടിമുട്ടി 12 യാത്രക്കാര്‍ക്ക് പരുക്കേറ്റു. അപകടത്തില്‍പെട്ട രണ്ട് ബസുകളും മംഗളൂറു ഡിപോയില്‍ നിന്ന് പോയതാണ്.

മുമ്പില്‍ ഓടിയ ബസ്സിന് പിറകില്‍ ബസ് ഇടിച്ചാണ് അപകടം. ഇടിയുടെ ആഘാതത്തില്‍ തെന്നിയ ബസ് റോഡിന്റെ പാര്‍ശ്വ ഭാഗത്തേക്ക് കയറിയ നിലയിലാണ്. സൂറത്കല്‍ പൊലീസ് കേസെടുത്തു.