പാരമ്പര്യവും നൂതനവുമായ ചക്ക ഉൽപന്നങ്ങൾ പരിചയപ്പെടുത്താൻ ലക്ഷ്യമിട്ട് കാസർകോട് നഗരസഭയുടെ 'ചക്ക ഫെസ്റ്റ്'

കാസർകോട്: (KasargodVartha) പാരമ്പര്യവും നൂതനവുമായ വിവിധ ചക്ക ഉൽപന്നങ്ങളും അവയുടെ ഔഷധഗുണവും പൊതുജനങ്ങളിൽ എത്തിക്കുന്നതിനായി കാസർകോട് നഗരസഭ കുടുംബശ്രീ സിഡിഎസിന്റെ നേതൃത്വത്തിൽ 'ചക്ക ഫെസ്റ്റ്' സംഘടിപ്പിച്ചു. എഫ്എൻഎച്ച്ഡബ്ല്യൂവിന്റെ ഭാഗമായാണ് ഈ വ്യത്യസ്തമായ പ്രദർശനം ഒരുക്കിയത്. നഗരസഭ സിഡിഎസ് ഹാളിൽ നടന്ന ചക്ക ഫെസ്റ്റ് നഗരസഭ ചെയർപേഴ്സൺ ഷാഹിന സലീം ഉദ്ഘാടനം ചെയ്തു. വൈസ്‌ ചെയർപേഴ്സൺ കെ എം ഹനീഫ് ചടങ്ങിൽ അധ്യക്ഷത വഹിച്ചു.

സ്റ്റാൻഡിങ് കമ്മിറ്റി ചെയർപേഴ്സൺമാരായ മെഹ്റുന്നിസ ഹമീദ്, ജാഫർ കമാൽ, കൗൺസിലർമാരായ ഷാഹിദ യൂസഫ്, നൈമുന്നിസ്സ, അർഷീന സുബൈർ, സുമയ്യ അഷ്റഫ്, മെമ്പർ സെക്രട്ടറി നാരായണ നായക്ക് തുടങ്ങിയവർ ഉദ്ഘാടന പരിപാടിയിൽ സംബന്ധിച്ചു. സിഡിഎസ് വൈസ് ചെയർപേഴ്സൺ ദേവയാനി സ്വാഗതവും എംഇ കൺവീനർ സുലോചന നന്ദിയും പറഞ്ഞു. സിഒ അർച്ചന, അക്കൗണ്ടന്റ് പ്രിയ, കമ്മ്യൂണിറ്റി കൗൺസിലർ സന്ധ്യ, സപ്പോർട്ടിങ് ടീം അംഗങ്ങൾ, വിവിധ കൺവീനർമാർ, കുടുംബശ്രീ സിഡിഎസ്, എഡിഎസ്, അയൽക്കൂട്ട അംഗങ്ങൾ, പൊതുജനങ്ങൾ തുടങ്ങി നിരവധി ആളുകൾ പരിപാടിയിൽ പങ്കാളികളായി.

വളരെ വിപുലമായ വിഭവങ്ങളാണ് മേളയിൽ അവതരിപ്പിച്ചത്. ചക്ക കറി, ചക്കപ്പുഴുക്ക്, പായസം, അട, ഹൽവ, വട, ചക്ക ബിരിയാണി, കട്ലറ്റുകൾ, പുഡ്ഡിങ്, മിഠായി, ചക്കക്കുരു വിഭവങ്ങൾ, ചക്ക അടിസ്ഥാനമാക്കിയുള്ള കേക്കുകൾ, കുക്കികൾ തുടങ്ങി പരമ്പരാഗതവും ആധുനികവുമായ നിരവധി വ്യത്യസ്ത ഇനങ്ങൾ ഫെസ്റ്റിൽ പ്രദർശിപ്പിച്ചു.

നാട്ടിലെ വാർത്തകളും വിശേഷങ്ങളും അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്താൻ മറക്കരുത്.

Article Summary: The Kasaragod Municipality Kudumbashree CDS organized a 'Chakka Fest' to promote the medicinal and nutritional value of traditional and innovative jackfruit products, featuring a wide variety of dishes including jackfruit biryani, cakes, and traditional sweets.

#ChakkaFest #KasaragodNews #Kudumbashree #JackfruitFestival #KeralaNews #LocalNewsMalayalam #AnjuNews