ബി.ജെ.പിയുടെ ആഹ്ലാദ പ്രകടനത്തിനിടെ പ്ലസ്ടു വിദ്യാര്‍ത്ഥിയെയും യുവാവിനെയും ആക്രമിച്ചു

By kvarthakgd1May 17, 2014, 18:00 IST

ഉപ്പള: (www.kasargodvartha.com 17.05.2014) ബി.ജെ.പിയുടെ ആഹ്ലാദ പ്രകടനത്തിനിടെയുണ്ടായ ആക്രമത്തില്‍ പ്ലസ്ടു വിദ്യാര്‍ത്ഥിക്കും യുവാവിനും പരിക്കേറ്റു. സോങ്കാല്‍ പ്രതാപ് നഗറിലെ സുന്ദരന്റെ മകന്‍ എസ്. സുനില്‍ (22), പ്ലസ്ടു വിദ്യാര്‍ത്ഥി മണ്ണംകുഴി ഫിര്‍ദൗസ് നഗറിലെ അബ്ദുല്‍ ഹമീദിന്റെ മകന്‍ ഇര്‍ഷാദ് (17) എന്നിവരെ പരിക്കുകളോടെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.

ബി.ജെ.പിയുടെ ആഹ്ലാദ പ്രകടനത്തിനിടെ പ്ലസ്ടു വിദ്യാര്‍ത്ഥിയെയും യുവാവിനെയും ആക്രമിച്ചു

ഇര്‍ഷാദ്

കേന്ദ്രത്തില്‍ നരേന്ദ്ര മോഡിയുടെ നേതൃത്വത്തില്‍ ബി.ജെ.പി അധികാരത്തില്‍ എത്തിയതിനെ തുടര്‍ന്ന് വെള്ളിയാഴ്ച രാത്രി എട്ട് മണിക്ക് ആഹ്ലാദ പ്രകടനം നടത്തുന്നതിനിടയിലാണ് ഓട്ടോയില്‍ വീട്ടിലേക്ക് പോവുകയായിരുന്ന സുനിലിനെയും ഇര്‍ഷാദിനെയും തടഞ്ഞുനിര്‍ത്തി അക്രമിച്ചത്. സുനിലിനെ ജാതിപ്പേര് വിളിച്ച് അപമാനിക്കുകയും ചെയ്തു.

സുനിലും ഇര്‍ഷാദും കോണ്‍ഗ്രസിന് വേണ്ടി പ്രവര്‍ത്തിച്ചതിന്റെ വൈരാഗ്യത്തിലായിരുന്നു അക്രമം. ആക്രമവുമായി ബന്ധപ്പെട്ട് മഞ്ചേശ്വരം പോലീസ് അന്വേഷണം ആരംഭിച്ചു.