എം ഡി എം എയും കഞ്ചാവുമായി യുവാവ് അറസ്റ്റില്‍

By Web Desk - MainOct 18, 2018, 11:07 IST

തൃശൂര്‍:(www.kasargodvartha.com 18/10/2018) അതിമാരക ലഹരിവസ്തുവായ എം ഡി എം എയും കഞ്ചാവുമായി യുവാവിനെ എക്‌സൈസ് സംഘം അറസ്റ്റു ചെയ്തു. പാലക്കാട് തത്തമംഗലം നീലിക്കാട് അനീഷിനെ (25) യാണ് രഹസ്യവിവരത്തെ തുടര്‍ന്നെത്തിയ എക്‌സൈസ് സംഘം പിടികൂടിയത്. കോളജ് വിദ്യാര്‍ത്ഥികള്‍ക്കടക്കം ലഹരിവസ്തുക്കള്‍ എത്തിച്ചുകൊടുക്കുന്ന സംഘത്തിലെ കണ്ണിയാണ് അനീഷെന്ന് പോലീസ് പറഞ്ഞു.

ലഹരിവസ്തുക്കള്‍ ഉപയോഗിക്കുന്ന വിദ്യാര്‍ത്ഥികളെ കേന്ദ്രീകരിച്ച് നടത്തിയ അന്വേഷണത്തിലാണ് അനീഷ് കുടുങ്ങിയത്. കോയമ്പത്തൂര്‍, ബംഗളൂരു എന്നിവിടങ്ങളില്‍ നിന്നാണ് എംഡിഎംഎ എത്തിക്കുന്നതെന്ന് പ്രതി എക്‌സൈസ് ചോദ്യം ചെയ്യലില്‍ വ്യക്തമാക്കി.