സ്ത്രീയുടെ മരണത്തിനിടയാക്കിയ ബസ് അപകടം; ഡ്രൈവര്‍ക്കെതിരെ പോലീസ് കേസെടുത്തു

By Web Desk - MainOct 29, 2019, 11:04 IST

കാസര്‍കോട്: (www.kasargodvartha.com 29.10.2019) നഗരത്തില്‍ സ്ത്രീയുടെ മരണത്തിനിടയാക്കിയ ബസ് അപകടവുമായി ബന്ധപ്പെട്ട് ഡ്രൈവര്‍ക്കെതിരെ പോലീസ് കേസെടുത്തു. കാസര്‍കോട് -തലപ്പാടി റൂട്ടിലോടുന്ന കെ എല്‍ 14 ഇ 3205 നമ്പര്‍ ഗജനാന ബസ് ഡ്രൈവര്‍ക്കെതിരെയാണ് കാസര്‍കോട് ടൗണ്‍ പോലീസ് കേസെടുത്തത്.

ബീരന്ത്ബയലിലെ പരേതനായ ബാബുനായിക്കിന്റെ ഭാര്യ സീത (70)യാണ് തിങ്കളാഴ്ച ഉച്ചയ്ക്ക് 12 മണിയോടെയുണ്ടായ അപകടത്തില്‍ മരിച്ചത്. ബസിന്റെ ചക്രം തലയിലൂടെ കയറിയിറങ്ങിയതിനാല്‍ തല്‍ക്ഷണം മരണം സംഭവിച്ചിരുന്നു.