Minister | രോഗനിരീക്ഷണത്തിന്റെ ഭാഗമായി ആശുപത്രികളില് വായു ഗുണനിലവാര നിരീക്ഷണ സംവിധാനം സ്ഥാപിക്കുമെന്ന് മന്ത്രി വീണാ ജോര്ജ്
Mar 11, 2023, 22:01 IST
തിരുവനന്തപുരം: (www.kasargodvartha.com) ശ്വാസകോശ സംബന്ധിയായ അവസ്ഥകള് വായുവിന്റെ ഗുണ നിലവാര തോത് അനുസരിച്ച് ഏത് രീതിയില് വ്യത്യാസപ്പെടുന്നുണ്ടെന്ന് നിരീക്ഷിക്കാനുള്ള സംവിധാനം എറണാകുളത്ത് ശക്തമാക്കുമെന്ന് ആരോഗ്യ വകുപ്പ് മന്ത്രി വീണാ ജോര്ജ്.
രോഗാവസ്ഥയിലേക്ക് എത്തിച്ചേരുവാനുള്ള സാധ്യതകള് മുന്കൂട്ടി കണ്ടെത്തുന്നതിനും അതിനെ പ്രതിരോധിക്കുന്നതിനും ഇതിലൂടെ സാധിക്കും. ഇതിനായി ആധുനിക air quality monitoring devices എറണാകുളം ജില്ലയിലെ തിരഞ്ഞെടുക്കപ്പെട്ട ആരോഗ്യ സ്ഥാപനങ്ങളില് സ്ഥാപിക്കുമെന്നും മന്ത്രി വ്യക്തമാക്കി.
ഇതുമൂലം രോഗാവസ്ഥയിലേക്ക് എത്തുന്നതിനു മുന്പ് തന്നെ പ്രതിരോധ പ്രവര്ത്തനങ്ങള് ആരംഭിക്കുവാന് സാധിക്കും. ശ്വാസ കോശ സംബന്ധിയായ രോഗങ്ങളുടെ നിരീക്ഷണ സംവിധാനം (air surveillance) ശക്തമാക്കുവാന് ഈ ഉപകരണങ്ങള് സ്ഥാപിക്കുന്നത് വഴി സാധിക്കും. സംസ്ഥാനത്തു നടപ്പാക്കി വരുന്ന ഏകാരോഗ്യ പദ്ധതിയില് ഉള്പ്പെടുത്തിയാണ് ഈ സംവിധാനം സ്ഥാപിക്കുന്നതെന്നും മന്ത്രി പറഞ്ഞു.
Keywords: Minister Veena George says air quality monitoring system will be installed in hospitals as part of disease surveillance, Top-Headlines, Thiruvananthapuram, News, Health, Health and Fitness, Health Minister, Kerala.
