കാലാവധി കഴിഞ്ഞ ഉൽപ്പന്നം: വന്ദേഭാരതിലെ കാറ്ററിംഗ് സേവനത്തിനെതിരെ മനുഷ്യാവകാശ കമ്മിഷൻ

തിരുവനന്തപുരം: (KasargodVartha) മംഗ്ളൂറു-തിരുവനന്തപുരം വന്ദേഭാരത് എക്സ്പ്രസ്സിൽ (20631) യാത്രക്കാർക്ക് കാലാവധി കഴിഞ്ഞ ശീതളപാനീയം വിതരണം ചെയ്ത സംഭവത്തിൽ സംസ്ഥാന മനുഷ്യാവകാശ കമ്മിഷൻ സ്വമേധയാ കേസെടുത്തു. ഇതുസംബന്ധിച്ച് റെയിൽവേ ഡിവിഷണൽ മാനേജർക്ക് കമ്മിഷൻ നോട്ടീസ് അയച്ചു.
 

പാലക്കാട് റെയിൽവേ ഡിവിഷണൽ മാനേജർ 15 ദിവസത്തിനകം അന്വേഷിച്ച് റിപ്പോർട്ട് സമർപ്പിക്കണമെന്ന് കമ്മിഷൻ ജുഡീഷ്യൽ അംഗം കെ. ബൈജുനാഥ് ആവശ്യപ്പെട്ടു. ജൂൺ 26 ന് കോഴിക്കോട് ഗവൺമെൻ്റ് ഗസ്റ്റ് ഹൗസിൽ നടക്കുന്ന സിറ്റിങ്ങിൽ കേസ് പരിഗണിക്കും.

2024 സെപ്റ്റംബർ 25-ന് നിർമ്മിച്ച് 2025 മാർച്ച് 24-ന് കാലാവധി കഴിഞ്ഞ ശീതളപാനീയമാണ് യാത്രക്കാർക്ക് നൽകിയത്. പരാതിപ്പെട്ടപ്പോൾ കാറ്ററിംഗ് ജീവനക്കാർ നിസ്സാരവൽക്കരിച്ചെന്നും യാത്രക്കാർ ആരോപിച്ചു. മാധ്യമ വാർത്തകളുടെ അടിസ്ഥാനത്തിലാണ് കമ്മിഷൻ സ്വമേധയാ കേസ് രജിസ്റ്റർ ചെയ്ത് നടപടി സ്വീകരിച്ചത്.

വന്ദേഭാരത് പോലുള്ള പ്രീമിയം ട്രെയിനുകളിൽ ഇത്തരം വീഴ്ചകൾ എങ്ങനെ കാണുന്നു? നിങ്ങളുടെ അഭിപ്രായം പങ്കുവെക്കുക.
 

Summary: Human Rights Commission took a suo motu case after expired soft drinks were served on Vande Bharat train.

#VandeBharat #ExpiredFood #HumanRightsCommission #IndianRailways #PassengerSafety #KeralaNews