പരിസ്ഥിതി ദിനത്തോടനുബന്ധിച്ച് ജൂൺ അഞ്ച്, ആറ് തീയതികളിൽ ശുചീകരണവുമായി ഉദുമ ഗ്രാമപഞ്ചായത്ത്

ഉദുമ: (www.kasargodvartha.com 04.06.2021) പരിസ്ഥിതി ദിനത്തോടനുബന്ധിച്ച് ജൂൺ അഞ്ചിന് പൊതുസ്ഥലങ്ങളും സ്ഥാപനങ്ങളും ആറിന്‌ വീടുകളും വാർഡുകളിലെ പൊതുയിടങ്ങളും ശുചീകരണം നടത്താൻ പഞ്ചായത്ത് സ്റ്റിയറിംഗ് കമിറ്റി യോഗം തിരുമാനിച്ചു. നമ്പ്യാർ കീച്ചൽ മുതൽ ബേക്കൽ പാലം വരെ റോഡിനിരുവശവും മാലിന്യ നിർമാർജനവും നടത്തും.

അഞ്ച് ക്ലസ്റ്ററുകൾ രൂപീകരിച്ചു അതാത് ക്ലസ്റ്ററുകളിൽ മാലിന്യ നിർമാർജന പ്രവർത്തനം നടത്തുന്നതിൻ്റെ രൂപരേഖ തയ്യാറാക്കും. ക്ലസ്റ്ററിൽ വാർഡ് മെമ്പർമാർ, കുടുoബശ്രീ സിഡിഎസ് അംഗം, എഡിഎസ് ഭാരവാഹി, എൻ ആർ ഇ ജി മേറ്റ്, ഹരിത വളണ്ടിയർമാർ, ക്ലബ് ഭാരവാഹികൾ, യുവജന സംഘടന ഭാരവാഹികൾ, എല്ലാ രാഷ്ട്രീയ പാർടി പ്രതിനിധി, സന്നദ്ധ പ്രവർത്തകർ എന്നിവർ അംഗങ്ങളായിരിക്കും.