city-gold-ad-for-blogger

സ്റ്റേ വയറിൽ നിന്ന് വൈദ്യുതാഘാതമേറ്റ് വിദ്യാർഥി മരിച്ച സംഭവം; കെഎസ്ഇബി അസിസ്റ്റൻ്റ് എൻജിനീയർക്ക് സസ്പെൻഷൻ, സംസ്ഥാനത്തുടനീളം സുരക്ഷാ ഓഡിറ്റിന് നിർദേശം

KSEB Assistant Engineer suspended over student's electrocution death in Tirurangadi; Govt announces ₹10 lakh aid
Image Credit: Facebook/ Ansar Busthan Kottakkal/ Enhanced by GPT, Representational Image Generated by GPT

● സൂപ്പർവൈസറി വീഴ്ചയുടെ പേരിൽ വെണ്ണിയൂർ സെക്ഷൻ അസിസ്റ്റൻ്റ് എൻജിനീയർക്കെതിരെയാണ് നടപടി
● തിരൂരങ്ങാടി സ്വദേശി ജുനൈദാണ് വീടിന് സമീപത്തെ വയലിൽ വെച്ച് വൈദ്യുതാഘാതമേറ്റ് മരിച്ചത്
● മരിച്ച വിദ്യാർഥിയുടെ കുടുംബത്തിന് 10 ലക്ഷം രൂപ അടിയന്തര സാമ്പത്തിക സഹായം നൽകാൻ മന്ത്രി നിർദേശിച്ചു
● നിയമപരമായ പരിശോധന പൂർത്തിയാക്കാൻ ചീഫ് ഇലക്ട്രിക്കൽ ഇൻസ്പെക്ടർക്കും നിർദേശം നൽകി

മലപ്പുറം: (KasargodVartha) തിരൂരങ്ങാടിയിൽ സ്റ്റേ വയറിൽ നിന്ന് വൈദ്യുതാഘാതമേറ്റ് വിദ്യാർഥി മരിച്ച സംഭവത്തിൽ കർശന നടപടികളുമായി സംസ്ഥാന സർക്കാർ. കെഎസ്ഇബി വെണ്ണിയൂർ സെക്ഷൻ അസിസ്റ്റൻ്റ് എൻജിനീയറെ സർവീസിൽനിന്ന് അന്വേഷണവിധേയമായി സസ്പെൻഡ് ചെയ്തു. സംഭവവുമായി ബന്ധപ്പെട്ട് നടത്തിയ പ്രാഥമിക വിലയിരുത്തലിൻ്റെ അടിസ്ഥാനത്തിൽ ഉദ്യോഗസ്ഥൻ്റെ ഭാഗത്തുനിന്നുണ്ടായ സൂപ്പർവൈസറി വീഴ്ചയുടെ പേരിലാണ് നടപടി.

കുടുംബത്തിന് ധനസഹായം

ഞായറാഴ്ച (2026 നവംബർ 15) രാവിലെയാണ് തിരൂരങ്ങാടി ചെറുമുക്കിൽ സ്റ്റേ വയറിൽ നിന്ന് വൈദ്യുതാഘാതമേറ്റ് വിദ്യാർഥി മരിച്ചത്. തിരൂരങ്ങാടി ചെറുമുക്ക് പടിഞ്ഞാറേത്തറ സ്വദേശി ശിഹാബുദ്ദീൻ്റെ മകനായ 14 കാരൻ ജുനൈദ് ആണ് മരിച്ചത്. വീടിന് സമീപത്തെ വയലിൽ വെച്ചാണ് സംഭവം നടന്നത്.

സംഭവത്തിൽ ഉത്തരവാദികളെന്ന് കണ്ടെത്തുന്ന മറ്റ് കെഎസ്ഇബി ജീവനക്കാർക്കെതിരെയും അച്ചടക്കനടപടികൾ സ്വീകരിക്കുമെന്ന് വൈദ്യുതി വകുപ്പ് മന്ത്രി സണ്ണി ജോസഫിൻ്റെ ഓഫീസ് അറിയിച്ചു. മരിച്ച വിദ്യാർഥിയുടെ കുടുംബത്തിന് 10 ലക്ഷം രൂപ അടിയന്തര സാമ്പത്തിക സഹായം അനുവദിക്കുന്നതിന് വൈദ്യുതി മന്ത്രി സംസ്ഥാന വൈദ്യുതി ബോർഡിന് നിർദേശം നൽകി. ജീവൻ നഷ്ടപ്പെട്ട വിദ്യാർഥിയുടെ കുടുംബത്തിൻ്റെ ദുഃഖത്തിൽ പങ്കുചേരുന്നതായും കുടുംബത്തിന് ആവശ്യമായ പിന്തുണ ഉറപ്പാക്കുമെന്നും മന്ത്രി അറിയിച്ചു.

സുരക്ഷാ ഓഡിറ്റും പരിശോധനയും

ഭാവിയിൽ ഇത്തരം അപകടങ്ങൾ ആവർത്തിക്കാതിരിക്കുന്നതിനായി സംസ്ഥാനത്തുടനീളമുള്ള വൈദ്യുതി ലൈനുകളും അനുബന്ധ സംവിധാനങ്ങളും കെഎസ്ഇബി ജീവനക്കാർ അടിയന്തരമായി പട്രോളിങ് നടത്തി പരിശോധിക്കുമെന്ന് മന്ത്രിയുടെ ഓഫീസ് പുറത്തിറക്കിയ വാർത്താക്കുറിപ്പിൽ അറിയിച്ചു. സുരക്ഷാ പരിശോധനാ ഡ്രൈവിൻ്റെ ഭാഗമായി അപകടസാധ്യതയുള്ള സ്ഥലങ്ങളിൽ പ്രത്യേക സുരക്ഷാ ഓഡിറ്റും നടത്താൻ വൈദ്യുതി മന്ത്രി നിർദേശം നൽകിയിട്ടുണ്ട്. പരിശോധനയിലും സുരക്ഷാ ഓഡിറ്റിലും കണ്ടെത്തുന്ന വീഴ്ചകളും അപകടസാധ്യതകളും പരിഹരിക്കുന്നതിനുള്ള നടപടികൾ ഉടൻ സ്വീകരിക്കും.

ഇതോടൊപ്പം ഇക്കാര്യത്തിലുള്ള നിയമപരമായ പരിശോധന പൂർത്തിയാക്കുന്നതിന് ചീഫ് ഇലക്ട്രിക്കൽ ഇൻസ്പെക്ടർക്ക് നിർദേശം നൽകിയിട്ടുണ്ട്. പൊതുജനങ്ങളുടെയും കുട്ടികളുടെയും സുരക്ഷ ഉറപ്പാക്കുന്നതിന് വൈദ്യുതി വിതരണ സംവിധാനങ്ങളുമായി ബന്ധപ്പെട്ട എല്ലാ സുരക്ഷാ മുൻകരുതലുകളും പാലിക്കുന്നുണ്ടെന്ന് ഉറപ്പുവരുത്താൻ ബോർഡ് നടപടി സ്വീകരിക്കുമെന്നും വാർത്താക്കുറിപ്പിൽ വ്യക്തമാക്കിയിട്ടുണ്ട്.

കൂടുതല്‍ വാർത്തകളും വിശേഷങ്ങളും അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് കമൻ്റായി രേഖപ്പെടുത്തുക. 

Article Summary: KSEB Assistant Engineer suspended and Rs 10 lakh emergency aid announced after a 14-year-old student, Junaid, was electrocuted from a stay wire in Tirurangadi.

URL Slug: tirurangadi-student-electrocution-kseb-official-suspended

#TirurangadiNews #MalappuramNews #KSEB #KeralaStateElectricityBoard #ElectrocutionDeath #MalayalamNews #KeralaGovernment #SafetyAudit #RenuNews

കാസർകോട് വാർത്തയുടെ ഫെയ്‌സ്‌ബുക്ക് പേജിലൂടെ വാർത്തകളോട് നിങ്ങൾക്കും പ്രതികരിക്കാം. ആരോഗ്യകരമായ ചർച്ചകളെ ഞങ്ങൾ എപ്പോഴും സ്വാഗതം ചെയ്യുന്നു. എന്നാൽ അസഭ്യം, അശ്ലീലം, മതവിദ്വേഷം എന്നിവ അടങ്ങിയ കമന്റുകൾ ഐടി ആക്ട് പ്രകാരം കുറ്റകരമാണ്. നിയമനടപടികൾ സ്വീകരിച്ചെന്നുവരാം.
Betty Sarah
Betty Sarah

108 Articles

Share this story

google news
Local News
Kasargodvartha android application
UNITED MEDICAL CENTER 01/02/2022
wellfitindia

wellfitindia