Accidental Death | തൃശൂര് തളിക്കുളം ദേശീയപാതയിലെ കുഴിയില് വീണ് തലയ്ക്ക് ഗുരുതരമായി പരിക്കേറ്റ യുവാവ് മരിച്ചു
തൃശൂര്: (www.kasargodvartha.com) തളിക്കുളം ദേശീയപാതയിലെ കുഴിയില് വീണ് യുവാവിന് ദാരുണാന്ത്യം. പഴഞ്ഞി അരുവായ് സനു സി ജെയിംസ് (29) ആണ് മരിച്ചത്. ശനിയാഴ്ച പുലര്ചെ നടന്ന അപകടത്തില് യുവാവിന്റെ തലയ്ക്കാണ് ഗുരുതരമായി പരിക്കേറ്റത്. തിങ്കളാഴ്ച അര്ധരാത്രിയോടെയാണ് മരണം സംഭവിച്ചത്.
ബൈകില് യാത്ര ചെയ്യവേ യുവാവ് കുഴിയില് വീഴുകയായിരുന്നെന്ന് പൊലീസ് പറഞ്ഞു. സ്വകാര്യ മൊബൈല് കടയിലെ ജീവനക്കാരനായിരുന്നു സനു ജോലി കഴിഞ്ഞ് വീട്ടിലേക്ക് മടങ്ങുന്നതിനിടെയാണ് അപകടത്തില്പെട്ടത്. ഈ സമയത്ത് മഴ പെയ്യുന്നുണ്ടായിരുന്നുവെന്നും വെള്ളം നിറഞ്ഞ് ഈ ഭാഗത്തുള്ള കുഴികള് തിരിച്ചറിയാന് സാധിക്കാത്ത നിലയിലായിരുന്നതാണ് അപകടകാരണമെന്ന് പൊലീസ് പറഞ്ഞു.
അതേസമയം, യുവാവിന്റെ അപകടത്തിന് പിന്നാലെ പ്രദേശവാസികള് സ്ഥലത്ത് പ്രതിഷേധം നടത്തി. മഴക്കാലത്ത് റോഡിലെ കുഴികളില് വെള്ളം നിറയുന്നത് സ്ഥിരമായ കാഴ്ചയാണെന്നും ഇതിനെതിരെ അധികൃതര് നടപടി എടുക്കണമെന്നും നാട്ടുകാര് പറഞ്ഞു. തുടര്ന്ന് റോഡിലെ കുഴികള് അടച്ചു.
Keywords: news,Kerala,State,Thrissur,Accident,Accidental Death,Top-Headlines, Protest, Thrissur: Young man died after falling to pothole on the road
