Boat Overturns | മുതലപ്പൊഴിയില് വള്ളം മറിഞ്ഞ് അപകടം; കാണാതായ മീന്‍ പിടുത്തതൊഴിലാളിയുടെ മൃതദേഹം കണ്ടെത്തി
Apr 29, 2024, 08:50 IST
*അഴിമുഖത്തുണ്ടായ ശക്തമായ തിരയില്‍പ്പെടുകായിരുന്നു.
*വള്ളത്തില്‍ 6 തൊഴിലാളികളുണ്ടായിരുന്നു.
*5 പേര്‍ നീന്തി രക്ഷപ്പെട്ടു.
തിരുവനന്തപുരം: (KasargodVartha) മുതലപ്പൊഴിയില് മീന്‍പിടുത്ത വള്ളം മറിഞ്ഞ് വീണ്ടും അപകടം. അഴിമുഖത്തുണ്ടായ അപകടത്തില്‍ കാണാതായ മീന്‍ പിടുത്തതൊഴിലാളിയുടെ മൃതദേഹം കണ്ടെത്തി. പുതുക്കുറിച്ചി സ്വദേശിയായ ജോണി (50) ആണ് മരിച്ചത്.
തിങ്കളാഴ്ച (29.04.2024) പുലര്‍ചെ 3:30 മണിയോടെയായിരുന്നു അപകടം. മീന്‍ പിടുത്തത്തിനായി പോകവെ അഴിമുഖത്തുണ്ടായ ശക്തമായ തിരയില്‍പ്പെട്ടതോടെ വള്ളം മറിയുകയായിരുന്നു. ഈ സമയം വള്ളത്തില്‍ ആറ് തൊഴിലാളികളാണ് ഉണ്ടായിരുന്നത്.
അപകടത്തില്‍പെട്ടതോടെ, അഞ്ച് പേര്‍ നീന്തി രക്ഷപ്പെട്ടിരുന്നു. കാണാതായ മീന്‍ പിടുത്തതൊഴിലാളിക്കായി തിരച്ചില്‍ നടത്തുന്നതിനിടെയാണ് മൃതദേഹം കണ്ടെത്തിയത്.
Tags
Share this story
