ബൈക്കില്‍ പോയ വിദ്യാര്‍ത്ഥിയെ ഇരുമ്പ് വടികൊണ്ട് മൂക്കിടിച്ച് തകര്‍ത്തു

കാസര്‍കോട്: ബൈക്കില്‍ സഞ്ചരിക്കുകയായിരുന്ന വിദ്യാര്‍ത്ഥിയെ ഇരുമ്പ് വടികൊണ്ട് മൂക്കിടിച്ച് തകര്‍ത്തു. കാസര്‍കോട് തക്ഷശില കോളേജിലെ പ്ലസ്ടു വിദ്യാര്‍ത്ഥി ചൂരി കലന്തര്‍ മന്‍സിലിലെ മുഹമ്മദ് സീതിയുടെ മകന്‍ സി.എം. മഹ്‌റൂഫിനെ (20) യാണ് വെള്ളിയാഴ്ച വൈകിട്ട് നാല് മണിയോടെ പുതിയ ബസ് സ്റ്റാന്‍ഡില്‍ നിന്ന് ചൂരിയിലേക്ക് പോകുമ്പോള്‍ കോട്ടക്കണിയില്‍ അഞ്ചംഗസംഘം പേര് ചോദിച്ച് അക്രമിച്ചത്.

ഇരുമ്പുവടികൊണ്ട് അടിയേറ്റ് മൂക്കിന്റെ പാലം തകര്‍ന്ന മഹറൂഫിനെ കാസര്‍കോട് കെയര്‍വെല്‍ ആശുപത്രിയില്‍ പ്രവേശിപ്പിച്ചു. അക്രമികള്‍ കത്തികാട്ടി കൊല്ലുമെന്ന് ഭീഷണിപ്പെടുത്തുകയും ചെയ്തു. പോലീസ് സംഭവത്തെകുറിച്ച് അന്വേഷണം ആരംഭിച്ചിട്ടുണ്ട്.