പഞ്ചായത്ത് മൈതാനിയില്‍ ആടിനെ തെരുവ് നായ്ക്കള്‍ കൂട്ടമായെത്തി കടിച്ചുകീറി കൊന്നു; തെരുവ് നായ ശല്യത്തിന് പരിഹാരം കാണാത്ത പഞ്ചായത്തിനെതിരെ പ്രതിഷേധം

By Web Desk SreJun 30, 2017, 12:50 IST

കാലിക്കടവ്: (www.kasargodvartha.com 30.06.2017) പഞ്ചായത്ത് മൈതാനിയില്‍ ആടിനെ തെരുവ് നായ്ക്കള്‍ കൂട്ടമായെത്തി കടിച്ചുകീറി കൊന്നു. കാലിക്കടവ് ടൗണിലെ ഓട്ടോ ഡ്രൈവര്‍ എം പി യൂസഫിന്റെ ആടിനെയാണ് തെരുവ് നായ്ക്കള്‍ കടിച്ചു കീറി കൊന്നത്. വ്യാഴാഴ്ച ഉച്ചയ്ക്കാണ് സംഭവം. ഇതിനു മുമ്പും യൂസഫിന്റെ ആടിനെ തെരുവ് നായ്ക്കള്‍ കടിച്ചുകൊന്നിരുന്നു.

സ്‌കൂള്‍ വിദ്യാര്‍ത്ഥികളും നാട്ടുകാരും തെരുവ് നായ ശല്യം കാരണം പൊറുതി മുട്ടിയിരിക്കുകയാണ്. തെരുവ് നായ്ക്കളെ വന്ധ്യംകരിക്കാനുള്ള ശ്രമങ്ങളൊന്നും പഞ്ചായത്ത് നടത്തുന്നില്ലെന്നും ഇതു കാരണം തെരുവ് നായ്ക്കളുടെ എണ്ണം വര്‍ദ്ധിച്ചു വരികയാണെന്നും നാട്ടുകാര്‍ ആരോപിക്കുന്നു.