ഹോട്ടല്‍ ഉടമയുടെ വീടിനു നേരെ കല്ലേറ്; ജനല്‍ചില്ല് തകര്‍ന്നു

By Web Desk - MainNov 11, 2018, 11:19 IST

കുറ്റിക്കോല്‍: (www.kasargodvartha.com 11.11.2018) ഹോട്ടല്‍ ഉടമയുടെ വീടിനു നേരെ കല്ലേറ്. ജനല്‍ചില്ല് തകര്‍ന്നു. കുറ്റിക്കോല്‍ ടൗണില്‍ മൂകാംബിക ഹോട്ടല്‍ നടത്തുന്ന കുറ്റിക്കോല്‍ അഗ്‌നിരക്ഷാനിലയത്തിന് സമീപം താമസിക്കുന്ന കുണ്ടുവളപ്പ് ടി രാജഗോപാലന്റെ വീടിനു നേരേയാണ് കല്ലേറുണ്ടായത്. വെള്ളിയാഴ്ച വൈകിട്ടാണ് സംഭവം ശ്രദ്ധയില്‍പെട്ടത്.

രാജഗോപാലന്റെ ഭാര്യ കെ എ പുഷ്പാവതി ഹോട്ടലില്‍ നിന്ന് തിരിച്ച് വീട്ടിലെത്തിയപ്പോള്‍ ജനല്‍ഗ്ലാസ് തകര്‍ന്ന നിലയിലായിരുന്നു. അകത്തു കയറി പരിശോധിച്ചപ്പോള്‍ കല്ല് കണ്ടെത്തുകയായിരുന്നു. വിവരമറിയിച്ചതിന്റെ അടിസ്ഥാനത്തില്‍ ബേഡകം പോലീസ് സ്ഥലത്തെത്തി അന്വേഷണം ആരംഭിച്ചു.